MARRO 31:7 - Qullaawa Maxaafa

⁷ «Hakkunni gedensaanni, Muse Iyyaasu woshshe, Israeelete manni baalunku albaanni, Kaaliiqi annuwansara aara xaarino baatto ragi'ranno gede konne manna haadhe massattohu ateetina, jawaati; kaajji.

MARRO 31:7 ပူးပေါင်းရင်းမြစ်များ

MARRO 3:28

Ikkollana, mannaho albisanni tenne la"atto baatto ragidhanno gede assannonsaha ikkino daafira, Iyyaasura assannore kulisi; jawaatannonna kaajjanno gede irkisisi» yiinoe.

MARRO 31:6

Jawaatte; kaajje; insa horonta waajjitinoonte. Magani'ne Kaaliiqi ledo'ne hee'ranno; diaguranno'ne; dicallachishanno'ne» yee coyi'ri.

MARRO 1:38

Kaa'laanchikki Newe beetti Iyyaasu kayinni eanno. Baatto ragi'ranno gede Israeelete mannira albisannohu iso ikkinohura jawaachishisi.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

IYYAASU 1:6

Bashshi yitooti! Lowo geeshsha jawaati! Kaajji! Ani akaakkansara aammora xaaroommo baatto ragisiisatto gede, kunni mannira albisa ikkatto.

DAANIEELI 10:19

Isino, «Ate Maganu baxannohena, waajjitooti! Jawaati! Kaajji!» yiinoe. Isi coyi'ri yannara jawaante lexxe, «Mooticha'ya, jawaante oottoena yaattore ledde kulie» yoommosi.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

MARRO 31:3

Magani'ne Kaaliiqi umisi alba'neenni balaxe fulanno. Hakkiicho heedhanno dagano hunanno. Ki'neno baattonsa ragidhinanni. Kaaliiqi coyi'rinonte gede, Iyyaasu sooreessa'ne ikkanno.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

KIIRO 27:19

Qeesichu Aliaazaarinna Israeelete manni baalunku albaanni uurranno gede assite, mannu afanna ate darga amadannota egensiisi.

MARRO 11:8

«Techo ani eemmo'ne hajajo baala agadhitiniro, Yordaanoosi tayissine fulatenna baatto ragi'rate wolqa afidhinanni.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

UMI MOOTOOLLA 2:2

«Kune ani mannu aalo ikkeemmoti yanna dagginona jawaati; manna ikki!

KIIRO 13:20

Baatto shaqqadoteronna moolatero, haqqu nooronna mullichotero la'ine laalchono tayissine haadhine abbe» yiinsa. (Hatti wogga woyinete haqqe laaltanno yannaati.)

MARRO 1:8

Kuneeti tenne baatto oommo'ne. Ani Kaaliiqi annuwa'nera Abirihaamira Yisihaaqiranna Yaiqoobira insa gedensaannino sirchinsara aammora xaaroommo gobba e'ine ragidhe› yiino» yiinsa.

MARRO 31:21

Lowo qarrinna lowo shetto iillitannonsa yannara, hajajama hoogansanni kainohunni qorichisha'yara tenne faarso oosonsa habbannokki gede faarsitanna naqaashshe ikkite heedhannonsa. Aammonsara hedoommo baatto iillishammonsara albaanni, wodaninsara noota busha yorto afoommo» yii.

LAYINKI SAAMUEELI 10:12

Kunnira, xa jawaati! Manninkenna Maganinke katammara jawaante olammo. Baalunku coyi Kaaliiqi yiino gede ikko» yii.

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!