MARRO 31:3 - Qullaawa Maxaafa

³ Magani'ne Kaaliiqi umisi alba'neenni balaxe fulanno. Hakkiicho heedhanno dagano hunanno. Ki'neno baattonsa ragidhinanni. Kaaliiqi coyi'rinonte gede, Iyyaasu sooreessa'ne ikkanno.

MARRO 31:3 ပူးပေါင်းရင်းမြစ်များ

KALAQAMA 48:21

Hakkunni gedensaanni Yaiqoobi Yooseefira, «Kuneeti ani reyammoraati; Maganu kayinni ki'ne ledo hee're, galagalche annuwa'ne baatto massanno'ne.

SOQQAMAASINETE LOOSO 7:45

Maganu albinsanni shorre huni daga gobba ragidhu yannara, annuwanke hakkonne dukkana Iyyaasu ledo hakkiichira haadhe massitino. Daawiti yanna geeshshano hakkiicho keeshshino.

MARRO 1:30

Alba'neenni ha'rannohu Magani'ne Kaaliiqi kunni albaanni ille'ne la'anna Gibitsete assi'nente gede, xaano ki'nera gaaramanno.

MARRO 3:28

Ikkollana, mannaho albisanni tenne la"atto baatto ragidhanno gede assannonsaha ikkino daafira, Iyyaasura assannore kulisi; jawaatannonna kaajjanno gede irkisisi» yiinoe.

MARRO 31:14

Kaaliiqi Muse, «Kuneeti reyatto barri iillinona sooreessimmate buureemmosi gede Iyyaasu woshshiteenna ledosi Qullaawu Dukkaniwa amme» yiisi. Musenna Iyyaasuno Qullaawu Dukkaniwa martu.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

MARRO 31:4

Kaaliiqi Amooraawootu mootoolla Sewooninna Aagi baattonsa ledo huninte gede, koreno hunanno.

MARRO 34:9

Muse dargasi amadanno gede angasi aanaho worinosi daafira, Kaaliiqi Newe beettira Iyyaasura egenno wonshisi. Israeeleno macciishshitusi; Maganu Muse widoonni qole hajajinonsare baalano wonshitu.

MARRO 7:1

«Magani'ne Kaaliiqi martine ragidhinanni baatto massanno'nenna haammata ki'ne roortannota jajjabbanna wolqaataamma 7 daga: Hitoota, Gergesoota, Amooraawoota, Kana"aanoota, Ferizoota, Hiwootanna Iyaabuusoota albi'nenni shorranno yannara,

MARRO 9:3

Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

IBIRAAWOOTA 4:8

Iyaasu fooliishsho uyinonsaha ikkoommero, Maganu galagale, «Techo» yee wolu barrire dicoyi'rino.

IYYAASU 1:2

«Kuneeti, soqqamaanchi'ya Muse reyino; xaate kunni ka'a atinna Israeelete manni baalunku qixxaabbe. Ani ragisiiseemmo'ne gobba martine e'inanni gede Yordaanoosi Waa fulle.

IYYAASU 11:15

Kaaliiqi hajajosi soqqamaanchisira Musera uyino; Museno Iyyaasura uyino. Iyyaasuno hajajo wonshino. Kaaliiqi Muse hajajino garinni, Iyyaasu baalanka coye assi; mittorichono digatisino.

IYYAASU 3:7

Kaaliiqi Iyyaasura, «Techo barra ani alba'neenni asseemmo coyinni, Israeele baalanti ate jawu manchi gede assite ayirrissannohe gedenna Muse ledo hee'rummonte gede ate ledono noommota huwattanno gede asseemmo.

IYYAASU 4:14

Hakko barra, Kaaliiqi assinohu dhaggete coyi Israeelete manni, Iyyaasu jawa albisa ikkinota wodanchanno gede assinsa. Muse ayirrisinte gede, Iyyaasuno lubbotenni hee'ri yanna baalantera ayirrisisi.