MARRO 30:6 - Qullaawa Maxaafa

⁶ Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

MARRO 30:6 ပူးပေါင်းရင်းမြစ်များ

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 32:39

Insaranna oosonsa oosora seyansara, ane waajjitannoe gede mitto wodananna mitte hedo eemmonsa.

ERMIYAASI 4:4

Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

LEEWAAWOOTA 18:5

Woga'yanna seera'ya agadhe; konne assitiniro, lubbotenni heedhinanni. Ani Kaaliiqi Magano'neeti.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

ROOMU SOKKA 11:26

Israeele baala gattannohu kunni garinniiti. Kunnira, «Gatisaanchu Tsiyooninni daanno; Yaiqoobi sirchiwiinni cubbo hunanno.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

UMI QORONTOOSI 8:3

Magano baxannoha kayinni, Maganu egenninosi.

LAYINKI QORONTOOSI 5:17

Kunnira ayino Kiristoosinni hee'riro haaro kalaqamaati. Akkalu sae ha'reenna kune haaru dayino.

MARRO 10:16

Kunni daafira, wodana co'o yitine keeraa'me; kakkachimma'neno agurre.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

QOLASIYAASI SOKKA 2:11

Iso amma'na'nenni barcimtinoonni, tini barcima'ne cubbaataame mannimma'ne suude hunatenni Kiristoosinni assinoreeti ikkinnina mannu assinore di"ikkino.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI YOHAANNISI 4:7

Jaalla'ya! Ninke mimmitinke ledo baxammo; baxillu Maganunniho; baxamannohu baalu Maganu ilaati; Maganono egennino.