MARRO 30:5 - Qullaawa Maxaafa

⁵ Annuwa'ne heedhino gobbanni jiro ragidhinanni gede galagalche abbanno'ne. Annuwa'nenni roore duroonsanno'ne; batisanno'ne.

MARRO 30:5 ပူးပေါင်းရင်းမြစ်များ

FAARSO 119:68

Ati lowo geeshsha shooshaqahonna shaqqadohona, wogakki rosiisie.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

HIZIQEELI 36:11

Aana'ne mannunna saada batidhanno gede asseemmo; albinni roore batidhanno. Lowo ooso ilantanno; hakkiicho alba heedhino garinni heedhanno. Albinni roorse duroonseemmo'ne. Hatte yannara, ani Kaaliiqa ikkoommota affinanni.

HIZIQEELI 36:37

Mootichu Kaaliiqi, «Israeele mitte higge ledde kaa'lote huuccidhannoe. Anino, manninsa kiiro ge'reewunnite geeshsha asseemmo.

KIIRO 10:29

Muse Midiyaamichu Yootoori beettira galtesi rodiira Hobaabira, «Kune Kaaliiqi eemmo'ne yiino gobba ha'nammora ka'noommo. Kaaliiqi Israeele duroonsannota coyi'rinona, atino tenne jiro adhattona ledonke kai» yiisi.

MARRO 13:17

Kaaliiqi kaajjadu hanqisinni higanno gede, batte ikkinorichi giddonni mittore nafa adhitinoonte. Isino maarosi leellishanno'ne; mararanno'ne. Annuwa'nera uyino hexxo garinni kiiro'ne batisanno gede,

MARRO 7:13

Kaaliiqi baxanno'ne; maassi'ranno'ne; batisanno'ne. Annuwa'nera aara xaarino baatto godowi'ne guma, baatto'ne laalcho, gide'ne, haaro woyinete xajje'nenna zayite'ne, lalo'nenna siitta'ne, ge'reewo'ne, me"e'nenna wilii'le'ne maassi'ranno.