MARRO 30:2 - Qullaawa Maxaafa

² Hattoonnino techo ani hajajeemmo'ne garinni ki'nenna ooso'ne Magani'ne Kaaliiqiwa higgine wo'mu wodani'nenninna wo'ma lubbo'nenni hajajantinisiro,

MARRO 30:2 ပူးပေါင်းရင်းမြစ်များ

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

UMI DUDUWO 29:9

Mannu Kaaliiqira afansha baxe wo'mu wodaninni uyi. Lowo jajji gamba yiino daafira hagiidhitu; moote Daawitino lowo geeshsha hagiidhi.

LAYINKI DUDUWO 30:9

Kaaliiqiwa higginiro, ooso'nenna roduuwa'ne qafaddinori mararte qae higganno gede assitannonsa. Magani'ne Kaaliiqi shaqqadonna mararannoha ikkino daafira, ki'ne isiwa higginiro, isino alba higanno'ne» yitannote.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 119:80

Qeelame saalfateemmokki gede, wogakki garunni agadheemmo gede kaa'lie.

FAARSO 41:12

Ane danchumma assa'ya daafira yite kaa'lattoe; hegerera albakkiinni worattoe.

ERMIYAASI 29:13

Hasidhinannie; wo'mu wodani'nenni hasidhiniero afidhinannie.

ERMIYAASI 3:10

Konne baala assituhu gedensaanni dogaancho Israeelete rodoo Yihudu, galagalte anewa higginohu digodowinniitina goowi alinniiti. Konne coye coyi'roommohu ani Kaaliiqaati» yiie.

ERMIYAASI 36:3

Yihudu manni aanansa abbeemmo yoommo bao macciishshe miteekke higannoha ikkiro, anino saonsanna cubbonsa agureemmonsaha ikkanno» yiie.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

ERMIYAASI QURTO 3:40

Doogonke xiinxalline la'no; Kaaliiqiwano hingo.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

LEEWAAWOOTA 26:40

«Kayinni, anera ammanama hoogansanna haxawarrimmansa agurte, uminsahanna annuwansa cubbo aagintaabburo,

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

LAYINKI QORONTOOSI 3:16

Mannu Mootichu widira higanno woyite kayinni, hakku guggu'laasinchi ho'lanno.

EFESOONI SOKKA 6:24

Agurtukkinni Mootichanke Yesuusa Kiristoosa baxxannori baalu ledo elto heedho. Hamii'ni!

MARRO 13:3

Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

UMI YOHAANNISI 1:9

Cubbonke Maganoho ku'linummoro, isi ammanaminohanna keeraancho ikkinohura, cubbonke baala agurannonke; saonke baalatennino keereensannonke.