MARRO 3:24 - Qullaawa Maxaafa

²⁴ «Mooticha Kaaliiqa'ya, jawimmakkinna jawaata cigilekki kune ane borojjichikkira leellisha hanafootto. Gordohonna baattote aana, ati loosatto gedeeha wolqaataamo looso loosara dandaanno magani nooni?

MARRO 3:24 ပူးပေါင်းရင်းမြစ်များ

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

LAYINKI DUDUWO 6:14

«Israeelete Magano Kaaliiqa! Ati callu Maganoho. Gordohono baattoteno ate gedeehu wolu dino. Ati mannikki ledo eootto gondooro agaratto. Co'o yiino wodaninni doogokki hadhannore bagamannokki baxillikkinni baxattonsa.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

FAARSO 106:2

Isi assinore kule guda dandaannohu ayeti? Ikkannosi geeshshi galata aasira dandaannohu nooni?

FAARSO 145:3

Kaaliiqi lowoho; lowo galati hasiisannosiho; lowimmasino mannu hedora aleenniiti.

FAARSO 145:6

Mannikkino, jajjabbu loosikkire hasaawanno; anino lowimmakki kuleemmo.

FAARSO 150:2

Wolqaataamu loosisi daafira galattesi; qoossa nookki jawimmasira galattesi.

FAARSO 35:10

Wo'mu wodani'yanni, Kaaliiqa, «Ate gedeehu ayi no? Ati, gadadaamo wolqaataamu anganni, buxicho gawajjannohu anganni gatisatto» yeemmo.

FAARSO 71:19

Magano! Keeraanchimmakki gordo iillitanno; ati jawa looso loosootto; Magano! Ate gedeehu dino.

FAARSO 86:8

Mooticha! Magannate giddo ate lawannohu dino; ati loosatto looso loosa dandaannohu dino.

FAARSO 89:6

Kaaliiqi ledo taalamannohu gordoho nooni? Gordoho noo kalaqami giddo Kaaliiqa lawannohu ayeti?

FAARSO 89:8

Olantote Magano Kaaliiqa! Ate gedee wolqaataami mama no? Wo'munku coyira ati ammanamoottoho.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

FULO 9:14

giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo.

ISAYAASI 40:18

Magano aye ledo taashshitinanni? Isi ma lawanno yitine heddinanni?

ISAYAASI 40:25

Qullaawu, «Xa ane aye ledo taashshitinannie? Ane lawannohuno ayeti?» yaanno.

ERMIYAASI 10:6

Kaaliiqa'ya, ate gedeehu dino; ati wolqaataamoho; su'mikkino jawahonna waajjinanniho.

DAANIEELI 3:29

«Togo asse gatisannohu wolu magani dino. Kunnira gashshooti'ya giddo hee'rannohunna addi addi afiinni coyi'ranno manni baalu mereero Sidiraaqi, Misaaqinna Abidinaago Magano xonannohu hee'riro, bisosi murmurre minesino diinge hunnanni gede hajajoommo» yii.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

MARRO 11:2

Magani'ne Kaaliiqi seejjo, xirchosi, jawaata angasinna wolqaataame cigilesi affinorinna rossinori ooso'ne ikkitukkinni ki'ne ikkitinoonnita techo qaagge.

MARRO 3:23

Hatte yannara ani,

MARRO 32:3

Ani Kaaliiqi su'ma galateemmo; Maganinkerano ayirrinye uyino!