MARRO 28:2 - Qullaawa Maxaafa

² Magani'ne Kaaliiqira hajajantiniro, kunninni aante noo maasso baala wo'manka woyite ki'neta ikkitanno.

MARRO 28:2 ပူးပေါင်းရင်းမြစ်များ

FAARSO 128:4

Kaaliiqa ayirrisannohu hatto maassamanno.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

MARRO 11:27

Techo eemmo'neta Magani'ne Kaaliiqi hajajo wonshitiniro maasso afidhinanni.

MARRO 28:15

«Ikkollana kayinni, Magani'ne Kaaliiqira hajajama giwatenni techo barra eemmo'neta hajajosinna seerasi baala seekkitine agadha gibbiniro, tini rumo baala dagganno'ne; doyissite amaddanno'ne.

MARRO 28:3

«Katamahonna gate'ne assidhinanniri maassamanno'ne.

MARRO 28:45

«Tini bao baala ki'ne aana dagganno; horonta ba'ina geeshsha ki'newiinni difaffanno. Kuni ikkannohu ki'ne Magani'ne Kaaliiqira hajajamanna isi uyino'ne seeranna rososi adha gibbinoonnihuraati.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.