MARRO 28:1 - Qullaawa Maxaafa

¹ «Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.

MARRO 28:1 ပူးပေါင်းရင်းမြစ်များ

UMI DUDUWO 14:2

Daawitino Kaaliiqi Israeelete moote asse uurrisinositanna mannisi Israeelete daafira yee gashshootesi lowo geeshsha ayirrado assinota buuxi.

FAARSO 106:3

Hajajosi wonshitannorinna, wo'manka woyite halaale loossannori, hiitto baraadhinoreeti!

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 119:128

Kunnira wogakki baala agadheemmo; so'rote doogo baala giweemmo.

FAARSO 119:6

Hajajokki baala seekke agadhummoro, saalu horonta diamadannoe.

FAARSO 148:14

Isi fiixa ikkitinori, lowo geeshsha baxannonsari Israeelete gosa, jawaata manna assinonsari iso galatto. Kaaliiqi galatamo!

FAARSO 91:14

Maganu, «Isi ane baxanno daafira agareemmosi; su'ma'ya ayirrisanno daafira goleemmosi.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

FULO 23:22

Isi yaanno gede ikkitinironna ane hajajo wonshitiniro, diini'nera diina ikkeemmo; gibbanno'nereno giweemmo.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

ISAYAASI 1:19

Maahoyye yitine hajajantiniero, baatto uyitanno atoote ittinanni.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

ERMIYAASI 17:24

« ‹Ani Kaaliiqi yoommota macciishshitinanniha ikkiro, Fooliishshote Barra mittoreno dukkine katamu waalchuwa widoonni higgine sa'inoonte. Fooliishshote Barra qullaawa asse ikkinnina hakko barra mittoreno loossinoonte.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 9:48

Rosaanosira, «Konne qaaqqo su'mi'yanni adhannohu aneno adhanno. Ane adhannohu, ane calla ikkummokkinni ane soyinoehano adhanno. Ki'ne giddo wo'munkura woriidihu baalunkura rooriidiha ikkanno» yiinsa.

YOHAANNISI 15:14

Ani hajajoommo'nere wonshitiniro, ki'ne jaalla'yaati.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

GALATIYU SOKKA 3:10

«Seeru maxaafi giddo noo hajajo baala wonshannokkihu duuchu rumaminoha ikko» yine borreessinoonni. Kunnira, Seera agadhatenni keeraa'mara hasi'rannohu baalu rumote giddo no.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 11:27

Techo eemmo'neta Magani'ne Kaaliiqi hajajo wonshitiniro maasso afidhinanni.

MARRO 15:5

Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 26:18

Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.

MARRO 28:13

Kaaliiqino sooreeyye ikkinnina maaheeyye diassanno'ne. Techo eemmo'neta Magani'ne Kaaliiqi hajajo seekkitine agadhitiniro, aye woyiteno aliidire ikkinnina woriidire horonta di"ikitinanni.