MARRO 27:3 - Qullaawa Maxaafa

³ Annuwa'ne Magani Kaaliiqi uyino'ne hexxo garinni, malawunna ado lolakkanno gobba iillitinanni yannara, konne seeranna roso tenne kinna aana borreesse.

MARRO 27:3 ပူးပေါင်းရင်းမြစ်များ

ERMIYAASI 11:5

Hatto ikkiro, xa heedhinoonnita danchanna shaqqado baatto aammonsara xaaroommo xaaro wonsheemmo» yii. Anino, «Maahoyye danchate Mooticha'ya!» yoommo.

ERMIYAASI 32:22

Akaakkansara ootto hexxo garinni, tenne danchanna shaqqado adonna malawu lolahanno baatto ragisiisoottonsa.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

KIIRO 13:27

Muserano, «Soottonke gobba marre la'noommo; baattono adonna malawu wo'minote; hala'ladotenna shaqqadote; gobbate laalchino konneeti.

KIIRO 14:8

Kaaliiqi baxannonkeha ikkiro, hattenne adonna malawu wo'mino gobba haa're massannonke; iseno ninkera aannonke.

MARRO 26:9

Kawiichirano haa're abbinonke. Malawunna ado lolakkannota tenne shaqqado baatto uyinonke.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

MARRO 6:8

Qaagginanni gede tenne hajajo borreessitine anga'nera usudhe; albi'ne aanano wodhe.

IBIRAAWOOTA 10:16

«Hakkunni daanno barri gedensaanni, insa ledo e"eemmo gondoori konneeti. Seera'ya giddonsa woreemmo; wodaninsarano borreesseemmo yaanno Mootichu» yee coyi'rihu gedensaanni,

IYYAASU 8:32

Israeelootu la'anna Iyyaasu, Muse borreessino Seera kinnate aana borreessi.