MARRO 27:13 - Qullaawa Maxaafa

¹³ Roobeeli, Gaadi, Aseeri, Zaabilooni, Daaninna Niftaalemi ga'reno Eebaali Ilaala fulte Kaaliiqi rumo macciishshitona.

MARRO 27:13 ပူးပေါင်းရင်းမြစ်များ

KALAQAMA 29:32

Liya godobbe labbaa beetto ilte, «Kaaliiqi qarra'ya laino; kunni ka'a ayiddaanni'yano baxannoe» yite su'ma Roobeeli yite fushshitu.

KALAQAMA 30:20

Iseno, «Maganu dancha ba'raara uyinoe; lee labballo iloommasi daafira xaate ayiddaani'yano ayirrisannoe» yite, su'ma Zaabilooni yite fushshitusi.

MARRO 11:29

Magani'ne Kaaliiqi ragidhinara haa're massanno'ne baatto iillitinanni yannara, Geriizaani Ilaalira heedhine maasso, Gebaali Ilaalira heedhine rumo lallabbinanni.

MARRO 27:12

«Yordaanoosi Waa fultinanni yannara, Simiooni, Leewi, Yihudi, Yisaakoori, Yooseefinna Biiniyaami ga're Geriizaani Ilaala fulte Kaaliiqi maasso macciishshitona.

MARRO 27:14

«Leewaawootu qoonqonsa naggi assite Israeelete manni baalaho:

MARRO 27:4

Yordaanoosi Waa fultine heedhinanni yannara, techo hajajoommo'ne garinni tenne kinna Eebaali Ilaali aana uurrisse; aanahono noora buurre.

IYYAASU 8:33

Kuni ikkanno yannara, Israeelootu albisootinsa, olu hajajaanonsanna daanyootinsa ledo, hattono giddonsa heedhannori manni gobba manni, Leewi sircho ikkitino qeesooti dukkinohu Gondooru Taabooti albaanni, guraanninna qiniiteenni uurrite no. Insa giddonni daratu Geriizaani Ilaalira, daratu Eebaali Ilaalira uurritu. Manna maassidhanno woyite hatto assitanno gede Kaaliiqi soqqamaanchi Muse hajajinonsa.