MARRO 26:9 - Qullaawa Maxaafa

⁹ Kawiichirano haa're abbinonke. Malawunna ado lolakkannota tenne shaqqado baatto uyinonke.

MARRO 26:9 ပူးပေါင်းရင်းမြစ်များ

FAARSO 105:44

Wole daga baatto uyinsa; wolootu daafurte loosidhino jajja ragisiisinsa.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

SOQQAMAASINETE LOOSO 26:22

Xaa geeshsha kayinni Maganu kaa'lanni nooe; kunnira aju akkalira farci'ranni konne uurre noommo. Himanaanonna Muse ikkanno yitinore agurranna wolere dicoyi'roommo.

MARRO 26:15

Qullaawa gollora gordoho heedhe kawa higge lai; mannakki Israeeleno maassi'ri; annuwankera ootto hexxo garinni, ninkera oottonketa tenne malawunna ado lolakkanno baatto maassi'rinke› yiiyye.

MARRO 27:3

Annuwa'ne Magani Kaaliiqi uyino'ne hexxo garinni, malawunna ado lolakkanno gobba iillitinanni yannara, konne seeranna roso tenne kinna aana borreesse.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

IYYAASU 23:14

«Kuneeti ani mannu aalo ikkeemmo yanna iillitinoe. Magani'ne Kaaliiqi uyino'ne hexxo garinni assino'neha dancha coye baalanka ki'ne mittu mittunku godowi'nenni seekkitine egentinoonni; isi uyino'ne hexxo giddonni mitteno gattukkinni baalanti wo'mitanno.

UMI SAAMUEELI 7:12

Hakkunni gedensaanni Saamueeli mitto kincho haa're Mitsiphanna Sheeni katamma mereero uurrise, «Xaa geeshsha Kaaliiqi kaa'linonke» yaanni, «Abeeniezeeri» yee su'ma fushshi.