MARRO 26:8 - Qullaawa Maxaafa

⁸ Kunninni kainohunni, Kaaliiqi jawaata angasinninna wolqaataame cigilesinni lowo masillinni, maala'linanni malaatinninna dhaggetenni Gibitsetenni fushshinonke.

MARRO 26:8 ပူးပေါင်းရင်းမြစ်များ

FULO 12:37

Israeelete manni Raamisenni kae, Sukooti iilla geeshsha lekkansanni ha'ri; kiironsano meentonna ooso agurranna 600,000 geeshsha ikkitanno.

FULO 12:41

Shoolu xibbinna sajjuu diri wo'mita, Kaaliiqi manni ga're baala Gibitsete gobba agurte fultino.

FULO 12:51

Hakko barra, Kaaliiqi Israeelete manna ga're ga'rentenni Gibitsete gobbanni haa're fushshi.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

ISAYAASI 63:12

Hegere geeshsha maccaha ikkasi egensiisara yee, ayirrado wolqasi Musera qiniiteenni worihu, albansaanni noo waa lamewa badihu hiikki?

ERMIYAASI 32:21

Maalaletenninna dhaggetenni, jawaata angakkinninna wolqaataame cigilekkinni, qoleno waajjishannohu xirchikkinni mannakki Israeele Gibitsete gobbanni fushshootto.

MARRO 34:11

Kaaliiqi Gibitsete mootewanna ayirraddisiwa, hattono gobbate aana baalankawa soyennasi mare dhaggenna maalale leellishinohu isi gedeehu wolu himanaanchi horontanni dino.

MARRO 34:12

Muse Israeelete manni baalunku albaanni assinohu gedeeha jawanna waajjishanno coye assinohu wolu himanaanchi dino.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 5:15

Gibitsete heedhini yannara, borojje ikkitine heedhinoonnita qaagi. Ani Maganikki Kaaliiqi hakkiinni jawaata anganninna wolqaataame cigilenni fushshoommo'neta huwati. Kunnira, Fooliishshote Barra ayirrisatto gede hajajoommohe.