MARRO 26:7 - Qullaawa Maxaafa

⁷ Hatte yannara, annuwanke Magani Kaaliiqiwa hinge raarroommo. Kaaliiqino raarenke macciishshino. Shettonke, qarrankenna gadadonkeno laino.

MARRO 26:7 ပူးပေါင်းရင်းမြစ်များ

KALAQAMA 21:17

Maganuno qaaqqu raare macciishshi; Maganu sokkaasinchi gordoho hee're, «Aggaara! Mayi qarrisinohe? Maganu qaaqqu raare macciishshinona waajjitooti.

KALAQAMA 29:32

Liya godobbe labbaa beetto ilte, «Kaaliiqi qarra'ya laino; kunni ka'a ayiddaanni'yano baxannoe» yite su'ma Roobeeli yite fushshitu.

LAYINKI SAAMUEELI 16:12

Miteekke Kaaliiqi shetto'ya lae rumosi maasso assannoeha ikkanno» yiinsa.

FAARSO 119:132

Anewa higi; baxxannoherira assattonte gede aneno mararie.

FAARSO 31:8

Baarigaarra'ya angara sayisse dioottoe; qarru nookkiwa faffote darga massite woroottoe.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FULO 2:23

Lowo diri gedensaanni Gibitsete moote reyi; Israeelete manni kayinni borojjimmate gadadi giddo hee're kaa'lo afi'rate raari; raarensano Maganunniwa iillitu.

FULO 2:25

Maganu Israeelete manni widira lae, shettote giddo noota afe kaa'lansara hasi'ri.

FULO 3:9

Manni'ya Israeelete raare seekke macciishshoommo; Gibitsootu assitanni noonsa beebba laoommo.

FULO 4:31

Mannuno konne coye ammani; Kaaliiqi daye towatinonsatanna assinoonninsa beebba afinota macciishshite guluphite guwissusi.

FULO 6:5

Qoleno Gibitsootu borojjimmatenni qarrisseennansa raartino raare macciishshoommo; oommonsa hexxono qaagoommo.

ERMIYAASI 33:2

«Baatto kalaqoommohunna dargase ofoshshiishoommohu aneeti. Su'mi'ya Mooticha Kaaliiqaatina,

UMI SAAMUEELI 9:16

«Ga'a tenne yannara Biiniyaami ga'renni mitto beetto atewa soyemmona, manna'ya Israeele gashshanno gede buuri. Isi manna'ya Filisxeemete anganni gatisanno. Anino manni'ya qarra iima hee're laoommo; raarensano macciishshoommo» yiinosi.