MARRO 26:5 - Qullaawa Maxaafa

⁵ Mitti mitti'ne Magani'ne Kaaliiqi albaanni, ‹Ahaahinke xeeda galanno Sooriyichaati. Shiimu manni ledo Gibitse dirre hakkiicho hee'rino. Jawaata, wolqaataamonna kiirono bati'ra manna ikkino.

MARRO 26:5 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 25:20

Yisihaaqi Beetueeli beetto Ribiqa 40 dirihu hee're adhino; Ribiqa anni Beetueelinna rodiise Laaba Sooriyu mannaati; heedhannohuno Mesiphexoomiyahooti.

KALAQAMA 27:41

Annisi maassi'rinosi daafira Eesawu Yaiqoobi murci're giwi; wodanisinnino, «Anni'ya muli barra reyanno; hakkunni gedensaanni rodoo'ya Yaiqoobi sheemmo» yee hedi.

KALAQAMA 28:5

Kunni garinni Yisihaaqi Yaiqoobi ha'ranno gede assi; Yaiqoobino Mesiphexoomiyaho hee'rannohuwa Laabawa ha'ri; Laaba Yaiqoobinna Eesawu ama Ribiqara rodooho; annisi Beetueeli Sooriyichaho.

KALAQAMA 31:20

Yaiqoobino, ha'rannota kula hoogasinni Sooriyicha Laaba doginosi.

KALAQAMA 31:24

Maganu hashsha haaqeete Sooriyichu Laabawa daye, «Yaiqoobira busha coye coyi'rattosikki gede qorophi» yiisi.

KALAQAMA 31:40

Barri fooggalinna hashshi qiidi qarrisinoe; gaari'yano gamba diyiino.

KALAQAMA 43:12

Kunni albaanni ogorra'ne giddo worreenna galagale higino birri ledo 2 anga assitine haadhine hadhe; miteekke so'rotenni dayinoha ikkannona.

KALAQAMA 45:11

Ontu hudete diri alba hige gate noona, atinna maatekki saadakkino hudidhannokki gede Geeseemi heedhinanna towateemmohena› yiino yitine kullesi?» yii.

KALAQAMA 45:7

Maganu baattote aana sircho gatiseemmo'ne gedenna lubbo'ne gattanno gede ki'nera alba asse soyinoe.

KALAQAMA 46:27

Yooseefira Gibitsete ilantinore lame labballi ooso lendiro, Yaiqoobi ledo Gibitse e'inori maatesi mitteenni lamalaaho.

KALAQAMA 47:27

Israeelootu Gibitsete gobbara Geeseemi heedhe, lowo jiro afidhu; ilanteno lowo geeshsha batidhu.

KALAQAMA 47:4

Gobbakkira wosinchimma hee'nammora dangoommo; Kana"aani gobbara hude batidhino daafiranna saada ittannore hoogginohura, ninke soqqamaanokki Geeseemi hee'neemmo gede fajjattonkera huucci'neemmohe» yitu.

FULO 1:12

Ikkollana, Israeele gadadantu deerrinni kiironsa batidhu; baattote aanano hala'litu; kunninni kainohunni, Gibitsootu Israeeloota lowo geeshsha waajjitunsa.

FULO 1:5

Yaiqoobi godowa ikkitinori kiironsa lamalaaho. Hatte yannara, Yooseefi Gibitsete Gobbara hee'ranno.

FULO 1:7

Ilamansa Israeele kayinni ilante batidhe Gibitsete baatto wo'mitu; kiironsa lowo geeshsha batidhino daafira waajjinannire ikkitu.

HOOSEI 12:12

Albi anninke Yaiqoobi Mesiphexoomiya yinanni gobba xooqe ha'rino. Hakkiicho galte afi'rara yee ge'reewu allaalaancho ikke soqqamino.

HOOSEI 12:13

Kaaliiqi soyino himanaanchi widoonni qole Israeelete manna Gibitsetenni massage fushshino. Hakkunni himanaanchi widoonni qoleno towatinonsa.

SOQQAMAASINETE LOOSO 7:15

Yaiqoobino kae Gibitsete gobba ha'rino; isino annuwankeno hakko reyitino.

MARRO 1:10

Kuneeti Magani'ne Kaaliiqi kiiro'ne gordu beeddahe gede batisino.

MARRO 10:22

Annuwa'ne Gibitse dirritu yannara 70 manna callaho. Xa kayinni Magani'ne Kaaliiqi gordu beeddahe gede batisino'ne.

MARRO 26:4

«Qeesichuno, gimboola anga'nenni haa're, Magani'ne Kaaliiqira kakkallanni dargira albaanni woranno.

MARRO 7:7

«Kaaliiqi ki'ne baxino'nehunna doodhino'nehu wole gosanni kiiro roortineenna di"ikkino. Kiiro'ne gosa baalatewiinni lowo geeshsha ajjinote.