MARRO 26:2 - Qullaawa Maxaafa

² mitti mitti'ne Magani'ne Kaaliiqi aanno'ne baattonni gamba assidhinanni laalchi baalunkunni umiha haadhine gimboolaho worre. Hakkunni gedensaanni, Magani'ne Kaaliiqi magansi'nasira doodhanno dargira haadhine abbe.

MARRO 26:2 ပူးပေါင်းရင်းမြစ်များ

LAYINKI MOOTOOLLA 4:42

Wole yannara mittu manchi Beaalishalishi yinanniwiinni umi laalchinni qixxeessinoonnita 20 hayixu timmanna haaro badalate shoye Maganu manchira haa're abbi. Elsaino soqqamaanchisira, «Mannu itona uyi» yii.

LAYINKI DUDUWO 31:5

Israeelete manni Hiziqiyaasi yiino coye macciishshanni hee'renni gidunni, haaro woyinete xajjenni, ejersu zayitenni, malawunninna wolu jajji giddonni umiha baala hagiidhanni halashshe abbe uyi. Noonsa jajji baalunku giddonni tonnunni mitte angano abbe uyi.

LAYINKI DUDUWO 6:6

Xa kayinni su'ma'ya ayirrinsanniwa ikkanno gede Yerusaalame, manna'ya Israeele gashshatto gedeno ate Daawiti doodhoommo› yiino» yii.

NEHIMIYA 12:44

Hakko barra, Qullaawu Minira uyinanni afansha umiha, saadannihanna gidunniha hattono, tonnunni mitto gamba assine agartannore worri. Kuni mannino, seeru garinni uyinoonniha gatinni gamba assite qeesootahonna Leewaawootaho uyitanno. Yihudu manni baalunkuno qeesootunna Leewaawootunni lowo geeshsha hagiidhi.

NEHIMIYA 13:31

Yanna yannantenni kakkalote ikkitanno haqqe shiqinshanni garanna umi laalcho shiqinshanni gara biddi assoommo. Magano'ya ballo, assoommore qaagge maassi'rie.

FULO 20:24

Anera kakkalote darga bushshunni seekke"e; shilqonnitanna mittimmate kakkalo boottannitanna ge'reewunnita hakkiicho kakkalle"e; su'mi'ya qaagamanno gede hedoommo darga baalaho daye maassi'reemmo'ne.

FULO 22:29

Gidunniha, woyinennihanna ejersu zayite laalcho anera aa habbinoonte. Ooso'ne giddonnino bayira beetto anera uuyye"e.

FULO 23:16

Gide gamba assidhinanni yannara, umiha aatenni Gide Gamba Assi'rate Ayyaana ayirrisse. «Diru goofimarchira laalo gamba assidhinanni yannara, Daasu Ayyaana ayirrisse.

FULO 23:19

Diru dirunkunni jajji'neha umiha qara laalcho ane Kaaliiqi Magani'ne minira haadhine abbe. «Wilii'lichu maala amate adonni gaffinoonte.

FULO 34:26

Baatto'ne laalcho umiha ane Magani'ne Kaaliiqi minira abbe. Wilii'licho amate adonni gaffinoonte» yiisi.

ERMIYAASI 2:3

Israeele ati anera umi laalchooti; ati anera baxxootta qeechaati. Kunni daafira ate gawajjate hasi'rannohu baalu aana, qarranna mitiimma dirrisoommo. Konne coye coyi'roommohu ani Kaaliiqaati» yii.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 44:30

Gidunniha umihanna seyinoha anera shiqinshoonni afansha baala qeesootu adhitona. Mannuno wo'manka woyite buddeena ga'nanno yannara, umi buddeencho qeesootaho fushshaate asse oona. Anino togo assanno manni mine atoote wonsheemmo.

HIZIQEELI 48:14

Anera qoqqombanni baatto, baatto baalantenni roore seekkinota ikka hasiissanno. Iseno dibeenkannite, dihirrannite, disoorrinannite, woy diragisiinsannite. Ise anera badante qullaawa darga ikkitanno.

LEEWAAWOOTA 2:12

Gidi'nenni umiha abbitinanni woyite, shiishinohanna malawo kayinni babbaddine shiqisha dandiitinanni; ikkollana kakkallanni darga shilqinshanni kakkalo assitine shiqisha didandiitinanni.

LEEWAAWOOTA 2:14

«Anera abbitinannihu gidunnihu umi fushshaati, daddarroonnita woy du'rinshoonni shoye ikkitona.

ROOMU SOKKA 11:16

Liisamete giddonni umiti qullaawa ikkituro, hakkunni ka'itino qullaawate. Mitte haqqicho rumushshi qullaawa ikkiro, sinnano qullaawa ikkitanno.

ROOMU SOKKA 16:5

Minensa xaaddanno beetekiristaanera keere iillishshe"e. Issiyu gobbara Kiristoosa balaxe amma'ninohura baxeemmo manchira Aphenetusira keere iillishshe"e.

ROOMU SOKKA 8:23

Uranni noohu kalaqama calla di"ikkino; umi afansha ikkinoha Qullaawa Ayyaana adhinoommori ninkeno, mannimmate wolapho afi'neemmota oosichimmanke quqquxamatenni agadhinanni, giddoyidi mannimmankenni urranni hee'noommo.

UMI QORONTOOSI 15:20

Ikkollana, Kiristoosi reyitinorira reyotenni ka"ate umiha ikke, halaalinta reyotenni kaino.

UMI QORONTOOSI 15:23

Kuni ikkannohuno bado badosinniiti: Umiha ikke Kiristoosi ka"anno; isi daanno woyite isire ikkitinori ka'anno.

UMI QORONTOOSI 16:2

Ani dayummohu gedensaanni fushshate kachaachammannikki gede, Sambatu Barra mittu mittunku noosi woxi aaninni afi'ri bikkinni kayise oona.

MARRO 16:10

Hakkunni gedensaanni, Magani'ne Kaaliiqi maassi'rino'ne deerrinni, baxxine uyitinanni afansha shiqishshinannihunni Gide Gamba Assate Ayyaaninni Magano'ne Kaaliiqa ayirrisse.

MARRO 18:4

Gidi'neha, haaro woyine'neha, ejersu zayite'nehanna ge'reewi'ne ordaha umiha insara uuyyensa.

MARRO 26:1

«Magani'ne Kaaliiqi iqqa asse aanno'ne baatto ragidhine heedhinanni yannara,

MARRO 26:3

Hatte yannara soqqamanni noo qeesichira, ‹Kaaliiqi ninkera aankera annuwankera xaarino baatto iillinoommota techo Maganikki Kaaliiqi albaanni coyi'neemmo› yiiyye.

YAIQOOBI 1:18

Maganu kalaqama baalaho umire ikkinammora isi umisi hedonni halaalu qaalinni ilinonke.

IYYAASU 18:1

Qeele baatto amadihu gedensaanni, Israeelete manni baalu Seelo gamba yee, Magano magansi'nanni dukkana qasi.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.