MARRO 26:18 - Qullaawa Maxaafa

¹⁸ Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 26:18 ပူးပေါင်းရင်းမြစ်များ

LAYINKI SAAMUEELI 7:24

Mannakki Israeeleno hegerera atere assi'rootto. Mooticha, atino Maganonsa ikkootto.

FAARSO 119:6

Hajajokki baala seekke agadhummoro, saalu horonta diamadannoe.

FAARSO 135:4

Kaaliiqi Yaiqoobi umisiha, Israeelete mannano umisi jiro asse dhoodhino.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ERMIYAASI 13:11

Giddoyidi uddano halloho hossannonte gede, Israeeletenna Yihudu mannino anewa gamba yaara hedoommo. Tenne hedoommohuno manna'ya ikkitanno gede, galattannoenna ayirrissannoe gedeeti. Insa kayinni ani yoommota dimacciishshitino» yii.

LEEWAAWOOTA 20:26

Ki'ne anera baxxitine qullaawoota ikkitinannie. Ani Kaaliiqi qullaawahona, anere ikkitinanni gede dagate mereerinni badoommo'ne.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

ROOMU SOKKA 16:26

Kuni halaali xa himanaanote borro widoonni xawe leellino. Mannu baalunku amma'ne hajajamara, hegere Magani hajajo garinni afanno gede assinoonni.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 27:10

Kunnira, Magani'ne Kaaliiqira hajajamme; techo eemmo'neta hajajosinna seerasino agadhe» yiinsa.

MARRO 28:1

«Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.

MARRO 28:9

«Magani'ne Kaaliiqi hajajo agadhitinironna doogosi hadhiniro, uyino'ne hexxo garinni qullaawa mannasi asse uurrisanno'ne.

MARRO 29:13

Ki'neranna annuwi'ne Abirihaamira, Yisihaaqiranna Yaiqoobira uyino hexxo garinni, isi ki'ne umisi manna assi'ranno'ne. Isino Magano'ne ikkanno.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 7:6

Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.