MARRO 26:17 - Qullaawa Maxaafa

¹⁷ Kaaliiqi Magano'ne ikkino gede doogosino ha'runsitinanni gede wogasi, hajajosinna seerasi agadhitinanni gedenna hajajantinannisi gede techo lallabbinoonni.

MARRO 26:17 ပူးပေါင်းရင်းမြစ်များ

KALAQAMA 28:21

anni'ya minirano keerunni qolittoero, ati Kaaliiqi Magano'ya ikkatto.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

FULO 15:2

Kaaliiqa faarseemmohu wolqa'ya ikkinohuraati; diini'ya anganni gatisinoehuno isooti. Isi Magano'yaatina galaxxeemmosi; anni'ya Maganootina, ayirrisi'reemmosi.

FULO 19:8

Mannuno mitto afoo ikke, «Kaaliiqi hajajinoha baala assineemmo» yee dawari. Museno mannu coy'rino coye Kaaliiqira egensiisi.

FULO 20:19

Musera, «Maganu coyi'riro reyineemmona, isi coyi'roonkenke; ninke macciishshineemmona ati coyi'rinke» yii.

FULO 24:7

Kaaliiqi hajajo borreessinoonniha Gondooru maxaafano haa're mannaho nabbawi. Mannuno, «Kaaliiqi yiinore baala assineemmo; hajajosino wonshineemmo» yii.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 44:5

Ane magansidhanno; manna'yano ikkitanno; su'ma'yano angansara borreessidhanno; ‹Ninke Maganu mannaati› yitanno» yii.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

SOQQAMAASINETE LOOSO 27:23

Sai hashsha isiha ikkoommohu magansi'reemmo Magani soyino sokkaasinchi daye mule'ya uurre,

ROOMU SOKKA 6:13

Mannimma'ne biso bunshete uduunnicho assitine cubbu angara qoltinoonte; hatteentenni reyotenni ka'ine lubbotenni heedhinoonnihu gede ikkitine umo'ne Maganoho shiqishshe. Mannimma'ne baala keeraanchimmate uduunne assitine Maganoho uuyye.

LAYINKI QORONTOOSI 8:5

Insa assitinohu, ninke hendoommohura aleenniiti. Balaxxe insanaa Mootichaho uyitino; hakkiinni aanchite Maganu hedo garinni insanaa ninkera uyitino.

MARRO 13:18

techo ani eemmo'neta hajajosi baalanta agadhitinanninna isi hasi'rannore baala wonshitinanni Magani'ne Kaaliiqi albaanni dancha coye asse.

MARRO 15:5

Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 27:10

Kunnira, Magani'ne Kaaliiqira hajajamme; techo eemmo'neta hajajosinna seerasino agadhe» yiinsa.

MARRO 29:12

Kuneeti techo ki'ne kawiichira gamba yitinoonnihu Magani'ne Kaaliiqi ledo gondooru xaaro eatenna hasiisannore baala wonshate qixxaabbinoonnita egensiisateeti.

MARRO 30:16

Techo ani eemmo'neta Magani'ne Kaaliiqi hajajo iso baxatenni, doogosi ha'ratenni seerasi baala, wogasinna wodhosi wonshitiniro, lubbotenni heedhinanni. Batidhinanni; Magani'ne Kaaliiqino martine ragidhinanni baattora maassi'ranno'ne.

IYYAASU 22:5

Muse uyino'ne Seera seekkitine agadhe; Magano'ne Kaaliiqa baxxe; hedosi wonshe; hajajosino agadhe. Isira ammanantinoonnire ikkitine, wo'mu wodaninninna wo'ma lubbonni soqqammesi» yii.

IYYAASU 24:22

Iyyaasuno, «Maahoyyena xa Kaaliiqa magansi'rate doodha'nera ki'ne ki'neneera naqaashshete» yee coyi'rinsa. Insano, «Ee! Ninke ninkeneera naqaashshete!» yite dawartu.