MARRO 26:14 - Qullaawa Maxaafa

¹⁴ Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.

MARRO 26:14 ပူးပေါင်းရင်းမြစ်များ

FAARSO 106:28

Hakkunni gedensaanni Maganu manni, Fegoori kaphu magano Ba"aali magansi'rate higi; lubbo noonsakki magannara shiqinshoonniha kakkalote maala iti.

FAARSO 18:22

Hajajosi baala alba'yaanni no; seerisiwiinnino difafoommo.

ERMIYAASI 16:7

Shii'rinoha sheshifachishate sagale qishe abbannohu dihee'rannonsa. Annanna ama shii'rinoha nafa sheshifachishannoha dianfanni.

HIZIQEELI 24:17

Mannu afannohe gede ikkite heqqifatte wi'litooti; dadillekki leellishate mullu uminni woy mulla lekkanni hadhooti. Umono heeshshi yitooti; waakkisono ittooti» yiie.

HOOSEI 9:4

Hakkiichono Kaaliiqira woyinete xajje shiqishate woy kakka'late didandiitanno. Tini kakkalote sagale wi'late qaera intannite gedeete; tenne sagale itannohu baalu lagaawanno. Insa hude hoo'late ittannote ikkinnina, Qullaawu Minira shiqinshannita di"ikkitino.

LEEWAAWOOTA 21:1

Kaaliiqi Musera, «Qeesootaho Aarooni oosora, ‹Aye qeesichino reyino fiixisira yee umosi lageessoonke;

LEEWAAWOOTA 21:11

Reeshshunniwa shiqoonke; annisi daafiranna amasi daafira umosi lageessoonke.

LEEWAAWOOTA 7:20

Ikkollana kayinni, mittu manchi keeraa'mikkinni mittimmate kakkalora shiqinshoonni maala itiro, manni'ya ledo dikiiramanno.

MILKIYAASI 2:13

Ki'ne assitinannihu wolu coyino no. Kaaliiqi kakkalo'ne adhannokki daafira wi'litinanni kakkalote darga hindiiddo lolaassinanni.

MARRO 13:5

Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 15:5

Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 26:13

Hakkunni gedensaanni, mitti mitti'ne Magani'ne Kaaliiqira, ‹Oottonke hajajo garinni ate Kaaliiqira bandoommohunni mittorichono gatinsummokkinni Leewaawootaho, manni gobba mannira, annunna ama noonsakkiriranna gunnootaho uyinoommo. Hajajokki baala wonshinoommo; mittorichono dihamboommo.

MARRO 26:15

Qullaawa gollora gordoho heedhe kawa higge lai; mannakki Israeeleno maassi'ri; annuwankera ootto hexxo garinni, ninkera oottonketa tenne malawunna ado lolakkanno baatto maassi'rinke› yiiyye.