MARRO 26:13 - Qullaawa Maxaafa

¹³ Hakkunni gedensaanni, mitti mitti'ne Magani'ne Kaaliiqira, ‹Oottonke hajajo garinni ate Kaaliiqira bandoommohunni mittorichono gatinsummokkinni Leewaawootaho, manni gobba mannira, annunna ama noonsakkiriranna gunnootaho uyinoommo. Hajajokki baala wonshinoommo; mittorichono dihamboommo.

MARRO 26:13 ပူးပေါင်းရင်းမြစ်များ

FAARSO 119:139

Baarigaarra'ya hajajokki shotissinohura, lowo geeshsha aarame giiramoommo.

FAARSO 119:141

Ani bashiloommokkihonna mishamoommoho; ikkollana wogakki dideoommo.

FAARSO 119:153

Ani seerakki dihawoommo; kunnira qarra'ya la'e gatisie.

FAARSO 119:176

Ballehino ge'reewi gede raataawoommo; kayinnilla hajajokki hawoommokki daafira, ane soqqamaanchokki hasie.

FAARSO 119:93

Wogakkinni heeshsho oottoena, horontanni ise lashshi diasseemmo.

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

LAWISHSHA 3:1

Rosiisaanchu, «Beetto'ya ballo, rosiiseemmohere habbooti; hajajo'yano wodanikkira wodhi.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

LAYINKI QORONTOOSI 11:31

Hegere geeshsha maassaminohu Mootichinke Yesuusi Kiristoosi Anni Maganu kapheemmokkita egennino.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 26:12

«Sayikki sayikki diro, gidi'nenni tonnunni mitte anga baddine fushshitine katamma'nera noori Leewaawootu, manni gobba manni, anna ama afidhinokkirinna gunnootu ite duuwanno gede uuyyensa.

MARRO 26:14

Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.

UMI TESELONQE 2:10

Ki'ne ammanaanote mereero hee'nummo yannara qullaawoota, keeraanonna minshanniri nookkire ikkine hee'rankera ki'nenna Maganu naqaashshete.