MARRO 26:11 - Qullaawa Maxaafa

¹¹ Ki'nenna maate'ne, Leewaawootunna giddo'ne hee'rannohu manni gobba manni Magani'ne Kaaliiqi uyino'nehu danchu coyi baalunkunni ji'litinanni hagiidhe.

MARRO 26:11 ပူးပေါင်းရင်းမြစ်များ

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

ROSIISAANCHO 3:12

Kunnira, mannaho lubbotenni hee're dancha looso loosate ka'aanni hagiirsiisannosiri nookkita afoommo.

ROSIISAANCHO 3:13

Qoleno mannu baalu itanninna aganni daafurisinni hagiidhanno. Tinino Maganuwiinni afi'rino eltooti.

ROSIISAANCHO 5:18

Kuneeti ani afoommohu danchunna biifino coyi, mannu Maganu worinosi geeshsha kalqete hee're loosi'rinoha itanninna aganni hagiidhate.

ROSIISAANCHO 7:14

Baalunkuri qinaannohe yannara hagiidhi. Qarru daannohe yannara kayinni, Maganu hagiirreno dadilleno soyannota habbooti. Albillitte ikkannoreno afinohu dino.

ISAYAASI 65:14

Soqqamaano'ya wodanunni hagiidhite faarsitanno woyite, ki'ne kayinni wodani'ne dadillinni kainohunni woo woo yitine wi'litinanni.

ZAKKAARIYAASI 9:17

Mannu gobbate danchummanna biinfille maala'lanno; aju manni tenne dancha gobba sagalenninna, haaro woyinete xajjenni kaajje lophanno.

UMI QORONTOOSI 9:11

Ninke ki'ne giddo ayyaanu wixa wixi'ne, ki'newiinni uullate laalcho adha loworeetini?

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:18

Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 27:7

Mittimmate kakkalo'neno hakkiichira shiqishshe. Ittinanni, Magani'ne Kaaliiqi albaanni hagiidhe.

MARRO 28:47

Magani'ne Kaaliiqi lowo coyinni maassi'rino'ne. Ki'ne kayinni hagiirrunninna owaantetenni disoqqantinoonnisi.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!