MARRO 24:21 - Qullaawa Maxaafa

²¹ Woyinete laalo gamba assidhinanni yannara, sinnate aana gatinoha xinqidhinara galagaltine hadhinoonte. Gatinoha wole gobba mannira, annu nookki oosoranna gunnootaho agurrensa.

MARRO 24:21 ပူးပေါင်းရင်းမြစ်များ

MARRO 24:19

«Loosidhinoonni gide gamba assidhinanni yannara, qarmete habbinoonni gidi hee'riro, adhitinara galagaltine higginoonte. Magani'ne Kaaliiqi loosidhinoonniha baalanka maassi'ranno'ne gede, qarmete habbinoonni gide manni gobba manni, anna afidhinokki oosonna gunnootu adhona agurre.

MARRO 24:20

Ejedhete laalo dirrisidhinanni yannara, sinnate aana gattinota xinqidhinara galagaltine hadhinoonte. Konneno wole gobba mannira, annu nookki oosoranna gunnootaho agurrensa.

MARRO 24:22

Ki'ne Gibitsete gobbara borojje ikkitinoonnita qaagge. Togo assitinanni gede hajajoommo'nehu kunniraati.

ABIDIYU 1:5

«Mooraano woy mulqidhannori hashsha dagguro, ikkannonsa geeshshire calla adhitanno. Woyinete laalo gamba assi'ranno yannara, mannu dargaho xaro gatisanno; ki'ne kayinni diinna'ne co'o assite huntanno'ne.