MARRO 24:19 - Qullaawa Maxaafa

¹⁹ «Loosidhinoonni gide gamba assidhinanni yannara, qarmete habbinoonni gidi hee'riro, adhitinara galagaltine higginoonte. Magani'ne Kaaliiqi loosidhinoonniha baalanka maassi'ranno'ne gede, qarmete habbinoonni gide manni gobba manni, anna afidhinokki oosonna gunnootu adhona agurre.

MARRO 24:19 ပူးပေါင်းရင်းမြစ်များ

IYYOOBI 42:12

Kaaliiqi Iyyoobita goofimarchu heeshsho albitenni roorse maassi'ri. 14,000 ge'reewo, 6,000 gaala, 1,000 waaxa handanna 1,000 harre uyisi.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

LAWISHSHA 14:21

Manna misha cubboho; buxicho mararannohu maassaminoho.

LAWISHSHA 19:17

Buxanete aannohu Kaaliiqira liqiissanno; Kaaliiqino assino danchummara daware aannosi.

ISAYAASI 32:8

Ayirradu manchi ayirrado coye assanno; halaalu coyira gaaramanno.

LEEWAAWOOTA 23:22

«‹Baatto'nenni gide gamba assidhinanni yannara, qaccuwate noo gide murtinoonte; qarmeno xinqidhinoonte; buxanetenna manni gobba mannira agurrensa. Ani Kaaliiqi Magano'neeti› yiino yite kulinsa» yii.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

LUQAASI 6:38

Maganu aanno'nena, ki'neno uuyye. Woleho safartine uyitinanni safaraanchinni safarranni'ne. Hakkiinni roorsine xiimbenna qanse, wo'me du'namanna safarre uyinanni'ne» yii.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 15:10

Uyitinannire shooshanqetenni uuyyesi ikkinnina honqooqoo'mitinoonte. Kunninni kainohunni Magani'ne Kaaliiqi loosidhinoonnihanna anga'ne amaddinoha baala maassi'ranno'ne.

MARRO 24:18

Ki'neno Gibitsete borojje ikkitine heedhinoonnitanna Magani'ne Kaaliiqi hakkiinni wode abbino'neta qaagge. Togo assitinanni gede hajajoommo'nehu kunniraati.

MARRO 26:13

Hakkunni gedensaanni, mitti mitti'ne Magani'ne Kaaliiqira, ‹Oottonke hajajo garinni ate Kaaliiqira bandoommohunni mittorichono gatinsummokkinni Leewaawootaho, manni gobba mannira, annunna ama noonsakkiriranna gunnootaho uyinoommo. Hajajokki baala wonshinoommo; mittorichono dihamboommo.

RUUTI 2:16

Nadallate giddonnino luqqissine tuggineenna xinqidhona uffinoontese» yiinsa.

RUUTI 2:2

Mitto barra Moaabitte Ruuti Naoomi, «Mindanna giggilanno duugge xinqi'rate gide gamba assinanniwa ha'roni? Xinqi'rate fajjannoehu dihoogannona» yitu. Naoomino, «Maahoyye beetto'ya ha'ri!» yituse.