MARRO 24:17 - Qullaawa Maxaafa

¹⁷ «Manni gobba mannira woy annu nookki oosora halaale beeshshitinoonte. Gunnittete imaana amadote adhitinoonte.

MARRO 24:17 ပူးပေါင်းရင်းမြစ်များ

IYYOOBI 22:6

Roduuwikkiwiinni amadote adhootto imaana gatisidhe, mulloota gatisoottonsa.

IYYOOBI 24:3

Anniweelo ooso harre wolqatenni adhitanno; galte shii'rino meenti handa amadote adhitanno.

FULO 22:20

«Ane Kaaliiqi ka'a wolu maganira kakkalannohu lubbotenni hee'roonke.

FULO 23:2

Bunshe loosannoha woy halaale dawisanno manni batinye la'e hoodensa hadhooti.

FULO 23:6

«Yoote darga buxichu coye dawissooti.

FULO 23:9

Ki'neno Gibitsete gobbara manni gobba manna ikkitine heedhinoonni daafira, qarrammanni gara affinoonnina, manni gobba manna gadadissinoonte.

LAWISHSHA 31:5

Aggannoha ikkiro seera habbanno; buxanete yoono shokkishshanno.

ROSIISAANCHO 5:8

Mitte gobbara buxane beebba assi'nannanna halaale dawinsanna affe dhaggeeffattooti. Rooreho rooru no; insa wo'munkura aleenni hige la"annohu no.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 3:15

Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

ISAYAASI 33:15

Halaalenna taalo coyi'rannohu, hanaaqu jiro baxannokkihu, gubbo itannokkihu, manna shaate malira xaadannokkihu, busha coye la"a giwannohu,

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

ERMIYAASI 5:28

Insa maqalloonni booti gede missino; bunshensarano gawalo dino; annanna ama afidhinokki oosohanna, qarraataammu halaale dawissanno.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

HIZIQEELI 22:7

Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

LEEWAAWOOTA 19:33

« ‹Giddo'ne hee'rannoha wole gobba manna tulteessitinoonte.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

ZAKKAARIYAASI 7:10

Mereero'ne hee'rannore galte shii'rino meento, annanna ama afidhinokkire, wole gobba mannanna qarraataamma baala gadadissinoonte. Mimmiti'nera busha heddinoonte.›

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

LUQAASI 3:14

Gama gaaddono dagge, «Ninke ma"assinoyya?» yite xa'mitusi. Isino, «Manni woxe wolqatenni adhitinoonte; ayeno kaphunni yekkeertinoonte; hunkii'ne waagi ikko'ne» yiinsa.

MARRO 1:17

Yoo dawissinoonte; lowohano shiimano taashshitine la'e. Yoo Maganunnita ikkitinohura, ayeno waajjitinoonte. Wolqa'nera aleenni ikkinoha baalanka ani laeemmona, anewa abbe› yoommo.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

MARRO 24:13

Arrishsho e'ukkinni diphe galanno uddano qolosina; isino maassi'rannosi. Kunino Magani'ne Kaaliiqi albaanni keeraanchimmate kiiramanno'ne.

MARRO 24:18

Ki'neno Gibitsete borojje ikkitine heedhinoonnitanna Magani'ne Kaaliiqi hakkiinni wode abbino'neta qaagge. Togo assitinanni gede hajajoommo'nehu kunniraati.

MARRO 24:6

«Mittore liqiissitinanni yannara, daamma woy daammi-beetto amadote adhitinoonte. Hatto assa mannu lubbo amadote adhate ledo mittete.

MARRO 27:19

«Manni gobba manniha, annunna ama noonsakkirihanna gunnootu halaale beeshshannohu rumaminoha ikko. Mannu baalunku, ‹Eewanni ikko!› yoo.

YAIQOOBI 2:6

Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?