MARRO 24:1 - Qullaawa Maxaafa

¹ «Mittu manchi galte adhiro, adhihu gedensaanni giwisannosi coye aanase afironna hasi'rannosekkiha ikkiro, ha'risate woraqata ee minisinni ha'risa dandaanno.

MARRO 24:1 ပူးပေါင်းရင်းမြစ်များ

FULO 21:10

Mittu manchi layinki galte adhiro, umitera sagale, imaananna galtimma xeisoonkese.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ERMIYAASI 3:1

Kaaliiqi, «Mittu manchi galtesi ha'riseenna, iseno hadhe woleho assidhuhu gedensaanni galagale galtesi assi'rara dandaannoni? Hatto assiro baatto batteessanno. Ati Israeele kayinni lowo ella ledo foorootta; xa kayinni galagalte ane Kaaliiqiwa higa hasi'rattani?

ERMIYAASI 3:8

Israeele anera ammanama hoogge foortino daafira, fushshe ha'risoommo. Dogaancho rodoose Yihudu kayinni diwaajjitino; ise umiseno qolte foortannota ikkitino.

MILKIYAASI 2:16

Israeelete Magani Kaaliiqi, «Ani ayiddaanninna ayiddaama babbaxxitannota giweemmo. Ani, togoo kaajjillinni galte fushshine ha'rinsannita giweemmo. Kunnira, galte'nera ammanantinanni gede e'inoonni gondooro diigginannikki gede seekkitine agadhe» yaanno.

KIIRO 5:12

«Israeelete, ‹Mittu manchi galte wole labbaaha la'e woy wolu ledo foorte manninatese batteessitino yee huluullamara dandaanno. Ikkollana coyi xawo fula hoogeenna foortinota buuxa hooga dandaanno. Foortanna afa hoogino daafira naqaashsheno hee'ra hooggusiro, woy foortukkinni mulla huluullamiro,

KIIRO 5:28

Battaabbinokkitanna keeraancho ikkituro kayinni fayyitanno; oosono iltanno.

MAATEWOOSI 1:19

Huucci're noosehu Yooseefi dancha mancho ikkinohura, Maariyaami mannu albaanni shollisha giwe, mannu afikkinni suutunni agurara hedi.

LUQAASI 16:18

«Aye manchino galtesi agure wole adhiro foorinoho. Hattonni ayiddaannase agurte hadhinota adhannohuno foorinoho» yii.

MARRO 21:15

«Mittu manchira lame galte heedhusiro, lamente giddonni mitte roorse baxannoha ikkiro, lamenti labballi ooso ilisironna bayiru beetti baxannosekkiti iltinosiha ikkiro,

MARRO 22:13

«Mittu manchi galte adhe ledose galihu gedensaanni, baxisa hooggusiro,

MARRO 22:19

Kuni beetti Israeelitte seemo su'ma hunino daafira, 100 kinchu birra mursiisse, woxe beettote annira oona. Beettono galtesi ikkite heedhona. Lubbotenni noo geeshsha ha'risasera didandaanno.

MARRO 22:29

kuni manchi beettote annira 50 kinchu birra miinona. Beetto wolqatenni ugginose daafira, isi adha hasiissannosi. Reya geeshsha minisinni ha'risasera didandaanno.

MARRO 24:2

Minisinni fultuhu gedensaanni, wolu ayiddaannira assidhuro,

MARRO 24:3

layinki ayiddaanniseno hatto albihu gede giwe ha'risate woraqata ee minisinni fushshe ha'risisero woy reyiro,