MARRO 20:1 - Qullaawa Maxaafa

¹ «Diinna'ne qassinara olaho fultinanni yannara, faradi gaarensanna faradinsa ki'nerinni roore leelli'nero nafa waajjitinoonte. Gibitsetenni fushshino'nehu Magani'ne Kaaliiqi ki'ne ledo no.

MARRO 20:1 ပူးပေါင်းရင်းမြစ်များ

KALAQAMA 26:3

Kawiicho hee'ri; anino ledokki hee'reemmo; maassi'reemmohe; tenne baatto baala ateranna sirchikkira eemmo; annikki Abirihaamira xaaroommo xaarono wonsheemmo.

LAYINKI DUDUWO 14:10

Aasano gaaramara fuli. Lamunku Maaresha mule Tsefata Lagichira darga dargansa amadde olaho qixxaabbu.

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

LAYINKI DUDUWO 20:12

Maganonke, tenne gawajjitanni noonketa bati'ra olanto hoo'late ninke wolqa diafi'noommona, ati insa qorichishi! Atewa hinge raara agurranna, assineemmore mittoreno dianfoommo» yii.

LAYINKI DUDUWO 20:15

Yahazieelino, «Moote Iyosaafiixi, Yihudunna Yerusaalamete manni baalu macciishshe! Kaaliiqi, ‹Olu ane Maganunniho ikkinnina ki'neha di"ikkinona, hexxo mudhitinoonte; tenne jawa olanto waajjitinoonte.

FAARSO 118:6

Kaaliiqi ledo'ya hee're kaa'lannoe daafira, diwaajjeemmo; mannu assannoeri dino.

FAARSO 20:7

Mitu mitu olu faradi gaarensa, wolootu faradonsa addaxxitanno; ninke kayinni Maganinke Kaaliiqi wolqa addaxxineemmo.

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 46:11

Olantote Mootichi ledonke no; Yaiqoobi Magani golonkeeti.

FAARSO 46:7

Olantote Mootichi ledonke no; Yaiqoobi Magani golonkeeti.

FAARSO 46:8

Maala'linanniha Kaaliiqi baattote aana loosino looso, daggine la'e!

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ERMIYAASI 16:14

Kaaliiqi qole, «Ikkirono, ‹Israeelete manna Gibitsete gobbanni fushshihu Heeshshote Kaaliiqi lao!› yine xaarrannikki barri daanno.

ZAKKAARIYAASI 10:5

Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.

KIIRO 10:9

Gobba'nera ki'ne qasara ka"anno diini ledo olantinara fultinanni yannara, xurumba ufuuffe. Ani Magani'ne Kaaliiqino qaageemmo'ne; gatiseemmo'ne.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

MARRO 1:29

«Anino, ‹Insa la'ineenna wodani'ne masoonke; waajjitinoonte.

MARRO 2:7

Anga'nenni assitinoonni coyi baalunkura Magani'ne Kaaliiqi lowo atoote uyino'ne. Tenne hala'lado halallitte gobbara raataabbini yanna baalate towatanni agarino'ne. Kunni shoyilluu diri wo'mu giddo Kaaliiqi ki'ne ledo noo daafira, xeino'neri mitturino dino.

MARRO 20:2

Ola hanaffinara albaanni, qeesichu olantote albaanni sae,

MARRO 20:3

‹Israeele macciishshe! Techo diinna'ne ledo ola hanaffinanniha ikkino daafira, wodani'ne masoonke; waajjitinoonte. Diinna'ne albaanni shoondartinoonte.

MARRO 31:6

Jawaatte; kaajje; insa horonta waajjitinoonte. Magani'ne Kaaliiqi ledo'ne hee'ranno; diaguranno'ne; dicallachishanno'ne» yee coyi'ri.

MARRO 31:8

Albakkiinni ha'rannohu Kaaliiqaati. Isi ate ledo hee'ranno. Dicallachishannohena, horontanni yaaddooti; waajjitooti» yiisi.

MARRO 7:1

«Magani'ne Kaaliiqi martine ragidhinanni baatto massanno'nenna haammata ki'ne roortannota jajjabbanna wolqaataamma 7 daga: Hitoota, Gergesoota, Amooraawoota, Kana"aanoota, Ferizoota, Hiwootanna Iyaabuusoota albi'nenni shorranno yannara,

MARRO 7:18

Insa waajjitinoonte. Magani'ne Kaaliiqi Feriooninna Gibitsootu aana assinore baala qaagge.

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

MARRO 9:3

Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 11:9

Iyyaasu Kaaliiqi hajajino garinni, faraddansa dagaado muri; gaarensano giiri.

EJJEETTO 6:12

Kaaliiqi sokkaasinchino isira leelle, «Koo jawaata worba! Kuneeti, Kaaliiqi ledokki no» yiisi.

EJJEETTO 6:16

Kaaliiqino, «Addintanni ani ledokki hee'reemmo. Midiyaamoota mittu manchi gede assite ganatto» yiisi.

UMI SAAMUEELI 17:32

Daawitino Saaoolira, «Konne Filisxeemicha waajje ayino masoonke; ani mare iso qaseemmona» yii.