MARRO 2:7 - Qullaawa Maxaafa

⁷ Anga'nenni assitinoonni coyi baalunkura Magani'ne Kaaliiqi lowo atoote uyino'ne. Tenne hala'lado halallitte gobbara raataabbini yanna baalate towatanni agarino'ne. Kunni shoyilluu diri wo'mu giddo Kaaliiqi ki'ne ledo noo daafira, xeino'neri mitturino dino.

MARRO 2:7 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 24:35

Kaaliiqi mooticha'ya lowo geeshsha maassi're ayirrado assinosi; ge'reewonna lalo, birra, culka, meyanna labbaa borojje, gaalanna harre baala uyinosi.

KALAQAMA 26:12

Yisihaaqi hattenne gobbara jajja loosi'ri; Kaaliiqi maassi'rinosi daafira, hakko dironni 100 ero afi'ri.

KALAQAMA 30:27

Laabano, «Kaaliiqi ate widoonni hige maassi'rinoeta kulotenni afoommona, ballo anewa hee'ri.

KALAQAMA 39:3

Mootichisino Kaaliiqi Yooseefi ledo nootanna assiri baalu qiniinosita afe

KALAQAMA 39:5

Hatte yannanni kayise Kaaliiqi Yooseefinni kainohunni Gibitsichu mine, jajjasinna gobbaanni noosire baala maassi'ri.

NEHIMIYA 9:21

Shoyilloo diro wo'ma halallitte gobbara hadhanna, hasiisannonsare baala qixxeessoottonsa; uddanonsano digooffino; lekkansano didarshitino.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

FAARSO 1:6

Kaaliiqi keeraanote doogo bade egenninona, bushuullu doogo kayinni baote haadhe hadhanno.

FAARSO 107:4

Mitu mitu faro habbe, halallitte gobbara raataabbu; heedhanno katama massitannonsa doogo affara didandiitino.

FAARSO 31:7

Qarra'ya afootto; shetto'yano laoottona, bagamannokkihu baxillikkinni tashshi yaannoe.

FAARSO 90:17

Mooticha Maganonke, ninkera ate elle ikkitonke; assi'neemmore baala qineessinke.

FULO 16:35

Israeelete manni, hee'ranno gobba Kana"aanita mare iilla geeshsha, 40 diro wo'ma tenne sagale itanni hee'rino.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

HOOSEI 13:5

Moolle batidhino halallittera towatummo'nehu aneeti.

AMOOTSI 2:10

Gibitsete gobbanni fushshe 40 diro wo'ma halallitte gobbara massagoommo'ne. Amooraawootu baattono ki'nera iqqa asse oommo'ne.

KIIRO 1:1

Israeelete manni Gibitsete gobbanni fulihunni layinki diro, layinki aganira umi barra, Siina Halallittera heedheenna Qullaawu Dukkani giddo hee're Kaaliiqi Musera,

KIIRO 14:33

Ammana hooga'nenni kainohunni ki'ne reyitine gooffina geeshsha ooso'ne 40 diro raataabbanni heedhanno.

KIIRO 14:34

Baatto dooyyitinanni keeshshitinihu shoyilluunku barri deerrinni, mittu mittunku diri mittu mittu barri gede ikke kiirameenna cubbi'ne daafira 40 diro qarrantinanni. Ane hanqisa maricho abbitannoro hakkawoyite buuxxinanni.

KIIRO 22:12

Maganu qole Beleaami, «Insa ledo hadhooti. Israeelete manni maassaminohona runtooti» yiisi.

KIIRO 32:13

Kaaliiqi Israeelete lowo geeshsha hanqino daafira, albasiinni bunshe assitinoti hatti ilama baala gooffa geeshsha 40 diro halalla raataabbanno gede assinonsa.

LUQAASI 22:35

Hakkunni gedensaanni Yesuusi rosaanosi, «Womaashsha qoraho, ogoro, koatteno adhitinikkinni soyummo'ne yannara xei'neri nooni?» yiinsa. Insano, «Xeinonkeri mitturino dino» yite qoltu.

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.

MARRO 1:19

«Hakkunni gedensaanni affininte gede Maganinke Kaaliiqi hajajinonke garinni, Siinanni ka'ne hattenne hala'ladonna waajjishshannota halallitte gobba sa'ne, gaaraame Amooraawotu gobba ragaanni hinge Qaadesi Berne dangoommo.

MARRO 1:46

Kunni daafira Qaadesi lowo yanna keeshshinoommo» yiinsa.

MARRO 2:14

Qaadesi Bernenni ka'nummo yannanni kayise, Zereediha moola laga fullummo geeshsha 38 diri goofino. Hatte yannara olaho iillitinori hatte ilama labballi baalunku Kaaliiqi balaxe xaarino garinni co'o yite gooffino.

MARRO 2:6

Hasiissanno'neta sagalenna waa woxunni hidhe› yiino yite kulinsa» yii.

MARRO 29:4

Ikkollana, techo geeshsha Kaaliiqi wodanchitinannire diassino'ne.

MARRO 29:5

Kaaliiqino, ‹40 diro wo'ma moola baattora albisummo'ne yannara, uddano'ne diakkaltino; lekka'ne koatteno digooffino.