MARRO 2:5 - Qullaawa Maxaafa

⁵ Baattonsa aaninni kaxxitine uurritinanni geeshshiwa nafa eemmo'nekki daafira, insa hasiissinoonte. Gaaraame Edoomi gobba Eesawu sirchira oommo.

MARRO 2:5 ပူးပေါင်းရင်းမြစ်များ

KALAQAMA 36:8

Kunnira, Edoomi yinannihu Eesawu ha're ilaalaame gobbara Seiiri hee'ri.

KALAQAMA 36:9

Seiiri Ilaalira hee'rannohunniti Edoomootu anni Eesawu ilama aante noote:

ERMIYAASI 27:5

‹Jawaata wolqa'yanninna wolqaataame cigile'yanni baattonna aanase noo manna qoleno saada baalanta kalaqoommo; gashshanno gede, hasi'roommohura eemmo.

HIZIQEELI 35:2

«Koo manchi beetto, Edoomi Ilaalira himana kuli.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

SOQQAMAASINETE LOOSO 17:26

Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino.

SOQQAMAASINETE LOOSO 7:5

Dayi yannara kaxxe uurranno darga nafa diuyinosi. Ikkollana hattenne gobba isiranna sirchisira iqqa asse aara xaarino. Xaarinohu Abirihaami ooso ilikkinniiti.

MARRO 2:22

Kaaliiqi Edoomi heedhannorira Eesawu sirchirano hattonni assino. Kunino Horaawoota albinsanni shorre hune baattonsa ragidhanno gede assino; insano techo geeshsha hakkiicho heedhanno.

MARRO 2:6

Hasiissanno'neta sagalenna waa woxunni hidhe› yiino yite kulinsa» yii.

MARRO 32:8

Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.

IYYAASU 24:4

Yisihaaqirano Yaiqoobinna Eesawu oommosi; Eesawura Edoomita gaaraame gobba iqqa asse oommosi. Kayinnilla, anni'ne Yaiqoobinna oososi darante Gibitse dirritino.