MARRO 2:36 - Qullaawa Maxaafa

³⁶ Arnooni Lagichi qaccera noo lagichi Aroeerihu giddo noo kataminni kayise, Geleaadi geeshsha noo katamma giddonni mittu nafa ittisankera dandaanno huxxa afi'rinohu dino. Maganinke Kaaliiqi baalanka angankera sayise uyinonke.

MARRO 2:36 ပူးပေါင်းရင်းမြစ်များ

LAYINKI SAAMUEELI 24:5

Yordaanoosi Waa fulte Gaadi gobbara noo lagichi mereero Aroeeri Katamira wodiidoonni shiima yanna keeshshitu. Hakkiinni ka'e, aliyye widoonni higge Yaizeeri Katama martu.

LAYINKI MOOTOOLLA 10:33

Amadinoti: Yordaanoosi Wayira soojjaatoonni, wodiidoonni Arnooni Wayira aleenni noo katami Aroeerihu geeshsha noota Gaadi, Roobeelinna qoleno soojjaatoonni noota darate Minaase ga're heedhannota Geleaadinna Baasaani baatto baalate.

FAARSO 44:3

Baatto ragidhinohu dibagadinsanniiti; wolqansano digatissinonsa; qiniinonsahu, ati baxattonsanna, ledonsa heedhe kaa'loottonsa daafiraati.

FULO 23:31

Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni.

ISAYAASI 17:2

Sooriyu katamma mannu hee'rannokkita ona ikkitanno. Hoolannohu nookkiha saada hakkiicho hossanno.

ERMIYAASI 48:19

Aroeeri katamira heedhinanniri, doogote uurritine la'e; xooqanni noo mannanna, fule ba"anni noo meento xa'mitine ikkanni noore buuxxe.

KIIRO 32:34

Gaadi ga're Dibooni, Axaarooti, Aroeeri,

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

MARRO 3:12

Hattenne gobba adhinummo yannara, amandoommo baatto aaninni Arnooni Lagichi mule noohunni Aroeeri Kataminni kayise aliyyeenni noo gashshooti aana, gaaraame Geleaadi gobba darate katammante ledo Roobeelinna Gaadi ga'rera oommonsa.

MARRO 4:48

Tini baatto Arnooni Lagichi gamira noohunni Aroeeri Kataminni kayise, Seriooni Ilaali yaano, Hermooni geeshsha iillitannota ikkitanna,

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 12:2

Lame mootoolla giddonni mittu, Hasebooni hee're gashshinohu Amooraawootu moote Sewooniiti. Gashshootisi Geleaadiha darate amade, Arnooni lagichi qaccera nootenni Aroeeri kataminni kayise hakko lagichi mereero noo katama giddo amade, Amoonootu danni Yaabooqi Wayi geeshsha iillanno.

IYYAASU 13:16

Danninsa Arnooni lagichi qaccera noohu Aroeerinna katamu lagichi mereero noohunni kayise, Medeba mule noo xawo baala,

IYYAASU 13:9

Gashshootinsa Arnooni lagichi qaccera aliyyeenni noohunni Aroeerinninna hakkunni lagichi mereero noo kataminni kayise, Medebaani xawinni Dibooni geeshsha noo gobba baala mitteenni amadanno.

IYYAASU 21:44

Kaaliiqi akaakkansara eino gondoori garinni baatto baalate keere uyinsa. Kaaliiqi diininsa aana qeelle uyinonsa daafira, albansaanni uurrara dandiinohu mittuno dino.

EJJEETTO 11:22

Arnooni Wayinni Yaabooqi Wayi geeshsha, soojjaatoonni halallitte gobbanni kayisse galchimaanni Yordaanoosi Wayi geeshsha noo baatto gudisse ragidhu.

EJJEETTO 11:26

Tini gobba ki'ne Amoonootunnita ikkitinoha ikkiro, Israeele Hasebooninna olluuwasera, Aroeerinna olluuwasera, Arnooninna mulesi noo katamma baalantera 300 diro heedhu geeshsha mayira adha hoogginoonniyya?