MARRO 2:15 - Qullaawa Maxaafa

¹⁵ Heedhannowiinni co'o asse hunansa geeshsha Kaaliiqi anga aaninsanni dika'ino.

MARRO 2:15 ပူးပေါင်းရင်းမြစ်များ

FAARSO 106:26

Kunnira, angasi kayise xaare, halallitte gobbara hunannonsata kulinsa.

FAARSO 32:4

Kaaliiqa'ya, hashshanna barra hanqikki aana'ya noo daafira, arru mooshshino haqqe gede jawaante'ya co'o yite gooffu.

FAARSO 78:33

Kunnira, dirinsa yaaddotenni goofanno gede assino; barrinsano mulenni qocci yii.

ISAYAASI 66:14

Kuni coyi ikkanna affinanni yannara hagiidhitinanni; Kaaliiqi ki'ne latise jawaantenna fayyimma aanno'ne. Hakkunni gedensaanni hajajantannoere kaa'leemmotanna, baarigaarra'yara kayinni hanqeemmota affinanni» yii.

KIIRO 14:28

‹Halaali'ya afanna, huuccidhinoonnire wonsheemmo'ne.

UMI QORONTOOSI 10:5

Ikkollana Maganu insa giddonni lowo mannira dihagiidhino. Kunni daafira hakko manni reeshshi halallitte gobbara uwe gatino.

YIHUDA 1:5

Mootichu mannasi Gibitsete gobbanni asse fushshitanna gedensaanni ammana gibbinore huni gara affinoonniha ikkirono, qaagiissammo'nera hasi'roommo.

EJJEETTO 2:15

Israeele olaho fultanno yanna baalantera, balaxe coy'rino garinni badhe wodhinsa. Kunninni kainohunni lowo geeshsha yaaddu.

UMI SAAMUEELI 5:11

Maganu lowo geeshsha shetisinonsahuranna reyono masissinonsa daafira mannu Filisxeemete gashshaano woshshe, «Israeelete Magani Taaboota kawiinni hooltine dayino dargira qolle. Hakkuyi ka'a kayinni goonfanni hee'noommo» yii.

UMI SAAMUEELI 5:6

Kaaliiqi Ashidoodinna qooxeessinsara noo manna baala lowo geeshsha shettote giddo tuge masisino. Darshete dhibbinnino gawajjinonsa.

UMI SAAMUEELI 5:9

Taaboota haadhe massitu katamano Kaaliiqi qorichishi. Mannano shettote giddo tugi; aja akkala yiikkinni baalanka darshete dhibbinni gawajji.

UMI SAAMUEELI 7:13

Filisxeeme kunni garinni qeelantino. Saamueeli lubbotenni hee'ri yanna baalantera, Kaaliiqi Israeelete gaaraminonsa daafira Filisxeeme diqassinonsa.