MARRO 19:5 - Qullaawa Maxaafa

⁵ Qoleno mittu manchi olliichisi ledo haqqa mudhara dubbo ha'riro, mudhanni heereenna hedeweelcho meesane cu"u giddonni fulte olliichosi gante shituro, hakku manchi hattenne katamma giddonni mitticho katama xooqe e"e lubbosi gatisi'ra dandaanno.

MARRO 19:5 ပူးပေါင်းရင်းမြစ်များ

LAYINKI MOOTOOLLA 6:4

Isino ledonsa ha'reenna, Yordaanoosi laga marte haqqe kara hanaffu.

LAWISHSHA 27:12

Egennaamu manchi bushare afiro maaxamanno; hawanyu kayinni e"e qarramanno.

ISAYAASI 32:2

Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

KIIRO 35:25

Mannu konne shiino mancho rabbisannohuwiinni gatise galagalche masse eeggote katamira worosina. Manchuno hatte yannara noohu qeesete roorrichi reya geeshsha hakkiicho hee'rona.

MARRO 19:4

«Mittu manchi afikkinni danotenni baarigaara ikkinokki mancho shiiro, lubbosi gatisi'rara hattenne katamma giddonni mitto katama xooqe eona.

MARRO 19:6

Hatto ikka hoogiro, baarigaarretenni ikkikkinni danotenni shiinoha, doogo seeddeenna rabbisannohu aarame faana gane iille, reyate hasiisannokki mancho shaara dandaanno.