MARRO 18:10 - Qullaawa Maxaafa

¹⁰ Ki'ne mereero oososi giire kakkalannohu, kiilaanchu, bitaamu, moora la"annohu, qaallichu,

MARRO 18:10 ပူးပေါင်းရင်းမြစ်များ

KALAQAMA 44:5

Go'linore leellishannosiha mootichi'ya aganno uduunnicho mayira moortini? Kuni assitinoonni coyi lowo geeshsha bushaho› yite kulinsa» yiisi.

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI MOOTOOLLA 17:15

Kulinonsa woga diwonshitino; annuwansa ledo eino gondoorono diagadhitino; seejjinonsa seejjo baala lashshi assite agurtino; haafu misilla magansidhanni insano tidhitinokkire ikkitino; Kaaliiqi qooxeessinsara noo daga woga amaddannokki gede kulinonsa hajajo diigge, insa hoode hadhino.

LAYINKI MOOTOOLLA 17:17

Tenne dagate magannara oosonsa seennenna labballo shilqote kakkalo assite shiqishshino. Kiilaanonna qaalloole mala xa'midhino. Kaaliiqi giwanno coyira umonsa sayisse uyite iso hanqissino.

LAYINKI MOOTOOLLA 21:6

Ilinoha beettosi shilqote kakkalo asse shiqishino. Qoleno kiilanninna hellee la"anni qaallichimmatenninna ekera hasaawisatenni hee'rannoha ikkino. Kunni garinni Kaaliiqi giwanno coye asse iso hanqisino.

LAYINKI MOOTOOLLA 23:24

Qeesootu roorrichi Hiliqiya Qullaawu Mininni afino maxaafi giddo borreessinoonni coyi wo'manno gede, Iyosiyaasi Yerusaalametenna Yihudu katammanni ekera hasaawiissannorenna kiilaano baala ayiddu maganna, kaphu magannanna dagate maganna magansi'nanniha tiyyi'nanni uduunne baala hune gudi.

UMI DUDUWO 10:13

Saaooli reyinohu Kaaliiqira ammanama hoogino daafiraati. Kaaliiqi hajajo wonsha giwino; Maganu yaannore agadha agure ekera coyishshiishshannori ledo ma'li. Kunnira Kaaliiqi iso shee, gashshootesi Isseyi beettira Daawitira sayise uyi.

LAYINKI DUDUWO 28:3

Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.

LAYINKI DUDUWO 33:6

Ilino oosono Hinoomi Lagichira shilqote kakkalo asse shiqishi. Qoleno kiilanninna hellee la"anni qaallooletenninna ekera coyishshiishshannori ledo ma'lino. Kunni garinni Kaaliiqa hanqissannota lowo bunshe loosino.

FULO 22:17

Beettote anni adhannota giwiro kayinni, seemo beettora miinnanni geeshshi woxe annisera oona.

FULO 22:18

«Bittanno mancho lubbotenni heedhannokki gede shinona.

ISAYAASI 47:13

Ma'lootta mali baalu daafursannoheta ikkinnina, mittoreno diledannohe; hanni aganu aganunkunni ayyaana la'annore abbidheenna, albillittete daara noo qarrano kulte gatissossiheyya!

ERMIYAASI 27:10

Insa kultanno'ne himani kaphoho. Insa yitannore macciishshitiniro, ani shorre huneenna'ne ba'inanni.

ERMIYAASI 27:9

Kunnira, Baabilooni mootera anga uyitinannikki gede hooltanno'neriha himanaano'ne, kiilaano'ne, haaqii'raano'ne masaalaano'nenna bitaammi'ne coye macciishshitinoonte.

ERMIYAASI 32:35

Labballonna seenne oosonsa Molooki yinanni maganira kakkaltara Hinoomi Lagichira Ba"aalira kakkalote darga seekkitino. Ani togo asse diyoommonsa; togo assite Yihuda cubbu giddora eessitanno yee dihedoommo» yee dawarie.

ERMIYAASI 7:31

Hinoomi Lagichira Tofeeti yinanniha kakkalote darga seekkitine ooso'ne shilqote kakkalo assitine shiqishshinoonni. Kunino ani hajajoommohanna wodani'ya hedino coye di"ikkino.

LEEWAAWOOTA 19:26

« ‹Mundee giddo noo maala mittono ittinoonte; kiiltinoonte; bitidhinoonte;

LEEWAAWOOTA 19:31

« ‹Battaabbinannina, ekera coyishshiishannoha woshshidhinoonte; qaallichunniwa hadhinoonte. Ani Kaaliiqi Magano'neeti.

LEEWAAWOOTA 20:6

« ‹Ekera coyishshiishannoha woshshidhannoriranna qaallichunniwa hadhannorira, diina ikkeemmonsa; manni'ya ledono dikiireemmonsa.

MIKIYAASI 5:12

Kiilunni assitinanniha murgote coye'ne huneemmo. Bitaammuno kunni ka'a mereero'ne diheedhanno.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

SOQQAMAASINETE LOOSO 19:19

Lowo kiilaano kiilunnita maxaaffansa gamba assite mannu baalu albaanni giirtu. Hatte maxaaffa hirroonni woxi shallangeenna 50,000 kinchu birra ikkino.

SOQQAMAASINETE LOOSO 8:9

Hakko katamira Simiooni yinanni manchi no. Kuni manchi Samaariyu katamira kiilanni manna dheggeeffachishanni hee'ranno. Isonoo jawu manchi gede asse hedanno.

GALATIYU SOKKA 5:20

kaphu maganna magansi'rate, baarigaarrete, ginyishamate, hinaasate, hanqate, umo baxate, gosoomate, babbaxxate,

MARRO 12:31

Insa magansidhanno woyite, Kaaliiqi giwanno coye baala assitanno. Oosonsa nafa magannansara giirte kakkaltanno. Kunni daafira, Magano'ne Kaaliiqa insa magansidhanno garinni horonta magansidhinoonte.

UMI SAAMUEELI 15:23

«Kaaliiqira maahoyye giwa kiilu ledo mittete; qoxxisamano kaphu magano magansi'rate gedeeti. Ati Kaaliiqi yiinore giwootto daafira, isino mootimmatenni keeshshattota giwino» yiisi.

UMI SAAMUEELI 28:3

Hatte yannara albaanni Saamueeli reenna, Israeele baalanti gamba yite Raama Katamira wi'lite madaarte agurtino. Saaoolino ekera coyishshiishshannorenna qaalloole baattote aaninni gudino.

UMI SAAMUEELI 28:7

Kunnira Saaooli soqqamaasinesi, «Mare mala xa'mi'reemmona, hanni ekera coyishshiishshanno mancho hasse"e» yiinsa. Insano, «Ekera coyishshiishshanno mancho Endoori Katamira no» yite kultusi.

UMI SAAMUEELI 28:8

Saaoolino uddano soorri're wole lawe lamu manchi ledo hashsha manchonniwa ha'ri. Manchono, «Eeggakkiitina mala xa'mi'reemmo gede mittu manchi ekera kayisie» yiise.

UMI SAAMUEELI 28:9

Mancho kayinni, «Saaooli ekera coyishshiishannorenna qaalloole baattote aaninni asse gudino gara afootto. Tenne affanni heedhenni woshshaadote giddora eessite reemma gede mayira assattoe?» yitusi.