MARRO 17:20 - Qullaawa Maxaafa

²⁰ Isinna sirchisi Israeelete manna seeda diro gashshitanno gede, mayi garinnino seeruwiinni wirri yoonke. Umosino wolootu Israeelootinni roore woyyinoha asse kiiroonke.

MARRO 17:20 ပူးပေါင်းရင်းမြစ်များ

LAYINKI SAAMUEELI 22:23

Hajajosi baala alba'yaanni no; wogasiwiinnino difafoommo.

UMI MOOTOOLLA 11:34

Ikkollana Selemooniwiinni gashshoote gudise dihooleemmo. Lubbotenni noo geeshsha gashshootu aana hee'ranno gede asseemmosi. Hatto asseemmohuno doodhoommohunna seera'yanna hajajo'ya agadhihu soqqamaanchi'ya Daawiti daafira yeeti.

UMI MOOTOOLLA 11:36

Ikkollana magansi'nannie gede doodhoommohura Yerusaalamete Katamira soqqamaanchi'ya Daawitira caabbichu xoannosikki gede beettisira mitte ga're eemmosi.

UMI MOOTOOLLA 15:3

Abiyano annisinte gede cubbo loosino. Awurisi Daawiti gede ikke co'o yiino wodaninni Maganisi Kaaliiqira diammanamino.

UMI MOOTOOLLA 15:5

Kaaliiqi hatto assinohu Daawiti Hitichu Ooriyooni aana loosino cubbo agurranna lubbotenni noo geeshsha isi baxanno coye assino daafiraatinna hajajosino seekke agadhinohuraati.

UMI MOOTOOLLA 2:3

Maganikki Kaaliiqi assattora hasi'rannore baala seekkite afi. Hakkuno: Ha'ratto doogo baalate assi'rittori qinaannohe gede Kaaliiqi Muse widoonni qole uyino seeranna hajajo, woganna halaale baala agadhate.

LAYINKI MOOTOOLLA 10:30

Kaaliiqino Iyura, «Yoommo garinni Akiaabi sircho gudde ani baxeemmo coye assootto. Kunnira sirchikki Israeelete 4 ilama geeshsha moohanno» yiisi.

LAYINKI MOOTOOLLA 14:10

Amesiyaasi, Edoomoota qeelootto daafira boo'nootto. Afi'rootto qeellenni hagiidhite minekki gabbi yite ofollittoro woyyannohe; umikkiranna Yihudu mannira bao abbanno coye mayira hasi'ratto?» yii.

LAYINKI DUDUWO 25:19

Amesiyaasi, Edoomoota qeelootto daafira boo'nootto; gabbi yite mine ofollittoro woyyannohe. Umikkiranna Yihudu mannira bao abbanno coye mayira hasi'ratto?» yiisi.

LAYINKI DUDUWO 26:16

Ooziya jawaante afi'rihu gedensaanni hajajamannokkiha ikkino. Hajajama giwasino uwanno gede assitinosi. Hixaana giirranni uduunnichi aana hixaana giirara Qullaawu Minira eatenni Kaaliiqa Maganosi seyatino.

LAYINKI DUDUWO 33:12

Minaase shetto batidhusita, lowo geeshsha umosi shollishe Maganisi Kaaliiqiwa hige kaa'lannosi gede huucci'ri.

LAYINKI DUDUWO 33:19

Minaase Kaaliiqa huucci'rino huuccatto, Kaaliiqi qolinosi dawaro, aagintaawara albaanni loosino cubbi, loosinoti addi addi bunshe, isi seekkinoti dagate maganna magansi'nanni darguwanna Asheera mokkollonna magansi'ranno maganna baala himanaanote dhagge amaddino maxaaffara borreessante no.

LAYINKI DUDUWO 33:23

Annisi gede gaabbe umosi shollishe Kaaliiqiwa higara dihasi'rino. Annisihunni roorino cubbo loosino.

LAYINKI DUDUWO 34:27

Ani Yerusaalamenna giddose noo manna qorichisheemmo gara macciishshitto yannara, umokki shollishshe dadillunni uddanokki darte wi'litanni aagintaawootto. Kunnira huuccattokki macciishshoommo.

FAARSO 119:102

Rosiisaanchi'ya ate ikkoottohura, yookki lashshi diassoommo.

FAARSO 132:12

oosokki gondooro'yanna eemmonsa hajajo agadhituro, ate gedensaanni oosokki hegerera mookkanno» yite horontanni soorrantannokki hexxo oottosi.

FAARSO 19:11

Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

LAWISHSHA 10:27

Kaaliiqa waajja diro seedissanno; bushuullu kayinni yanni-male reyitanno.

LAWISHSHA 27:24

Jiro hegerera diheedhanno; ayirrinyuno ilamate ilama geeshsha di"iillanno.

ROSIISAANCHO 8:13

Cubbaataammaho kayinni diseyannonsa. Magano waajjitannokki daafira dirinsa caalu gede ikke mulenni sa"anno.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

IMBAAQOOMI 2:4

Sokkano, ‹Wodana mokkookku haxawarrira hee'rate hexxo dinosi. Keeraanchu kayinni amma'natenni heeshsho afi'ranno› » yitannote.

LAYINKI QORONTOOSI 12:7

Kunni xawinoehu jawu coyinni kainohunni boo'neemmokki gede mannimma'ya utu gede qasanno qarra uyinoonnie. Kunino Sheexaanu sokkaancho ikke runkute qarrisanni boo'neemmokki gede assannoe.

MARRO 12:25

Kaaliiqi albaanni dancha coye assitinironna mundee aga agurtiniro, ki'neranna ki'ne gedensaanni ooso'nera seyanno'ne.

MARRO 12:28

Hajajoommo'ne coye seekkitine agadhitiniro, Maganu albaanni dancha coye ikkanno'ne. Ki'neranna ki'ne gedensaanni ooso'nera geedote seyanno'ne.

MARRO 12:32

«Ani hajajummo'nere baala agadhe; leddinoonte; xeissinoonte.

MARRO 17:11

Insa rosiissanno'ne seerinninna uyitanno'ne hajajo garinni gudde. Insa uyitanno'ne hajajowiinni wirri yitinoonte.

MARRO 4:2

Eemmo'neta Magani'ne Kaaliiqi hajajo agadhe. Hajajoommo'nehu aana leddinoonte; xeissinoonte.

MARRO 5:32

«Israeelete manna, Magani'ne Kaaliiqi hajajino'nere wonshate qixxaabbe. Ka'anna kawa yitinoonte.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

UMI SAAMUEELI 10:25

Saamueelino mootimmate hasiissanno wodhonna woga mannaho kulihu gedensaanni maxaafu aana borreesse Kaaliiqi albaanni Gondooru Taabooti mule wori. Hakkunni gedensaanni Saamueeli manna baalanka qae qaesi ha'ranno gede assi.

UMI SAAMUEELI 15:23

«Kaaliiqira maahoyye giwa kiilu ledo mittete; qoxxisamano kaphu magano magansi'rate gedeeti. Ati Kaaliiqi yiinore giwootto daafira, isino mootimmatenni keeshshattota giwino» yiisi.