MARRO 17:19 - Qullaawa Maxaafa

¹⁹ Maganosi Kaaliiqa ayirrisa rosanno gede, kunni seeri giddo noo hajajo baalantanna tenne woga seekke agadhanno gede mulisinni faffoonke. Heeshshosi diri baalunkunni nabbawona.

MARRO 17:19 ပူးပေါင်းရင်းမြစ်များ

LAYINKI MOOTOOLLA 22:10

Qoleno, «Hiliqiya konne maxaafa haa're anera uyino» yee, maxaafa mooteteno nabbawisi.

FAARSO 1:2

Togoo manchi, Kaaliiqi Seerinni hagiidhanno; Seerasino hashshanna barra buuxanni qaaganno.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

MARRO 11:18

«Konne qaale'ya, wodani'neranna surre'nera wodhe; malaate assidhine anga'nera xaaxidhe; albi'nerano usudhe.

MARRO 4:10

Siina Maganinke Kaaliiqi albaanni uurritini barra Kaaliiqi, «Baattote aana heedhanno yanna baalate ane ayirrisanna hajajama rossanno gede, oosonsarano rosiissanno gede, manna albi'yara gamba assi» yiieta qaagge.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 5:1

Muse Israeelete manna baalanka woshshe, «Israeele, techo barra macca'nera kuleemmo'neta woganna seera macciishshe; buuxxe; seekkitine agadhe.

IYYAASU 1:8

Konne Seeru Maxaafa aye yannarano nabbawa agurtooti; isi giddo borreessinoonniha baala wonsha dandaatto gede, hashshanna barra wodanchi. Hatto assittoro, baalunku coyi danchu garinni qinaannohe.