MARRO 17:16 - Qullaawa Maxaafa

¹⁶ «Mootete olantora lowo faradi hee'roonkensa. Farado hidhateno manna qole Gibitse soonke; Kaaliiqi hakkiichira hingannikki gede hajajino.

MARRO 17:16 ပူးပေါင်းရင်းမြစ်များ

LAYINKI SAAMUEELI 8:4

Daawiti Hadadiezeerire 1,700 faradaasinenna, 20,000 lafo qafadi. Gaare goshooshannoha 100 farado gatise, hakkuyi ka'i farado morgogeenya mure aguri.

UMI MOOTOOLLA 1:5

Hattenne yannara, Daawitira Hagiiti iltinohu Abeseloomi maa'ni Adooniyaasi annisi Daawiti ye'e yee egenninosikki daafira, «Mooheemmo» yee kai. Kunnira, faradi gaarenna farado, qoleno albaanni hadhannore 50 manna qixxeessi'ri. Isi dana lowo geeshsha xumaho.

UMI MOOTOOLLA 4:26

Selemooni faradi gaare goshooshanno faradira 40,000 faradu gollonna gulunfannihu 12,000 olu faradi noosi.

UMI MOOTOOLLA 5:6

«Kunnira, daguwa karanno manna Libaanoosi soyie; ane mannino haqqe ledonsa karanno gede asseemmona. Mannikkirano ati hedoottore baateemmo. Afittonte gede ane manni atehu geeshsha haqqa murranni gara diegennino» yee sokka soqqi.

LAYINKI DUDUWO 1:16

Selemoonira farado Gibitsetenninna Qewe yinanni gobbanni abbinoonnisi. Daddalaasinesino Qewenni marte hirtinosi.

LAYINKI DUDUWO 9:25

Selemoonira 4,000 faradunna faradi gaarete gollo, qolteno 12,000 faradi noosi. Gama isiwa Yerusaalamete, gama qole wole katammara hee'ranno gede assi.

FAARSO 20:7

Mitu mitu olu faradi gaarensa, wolootu faradonsa addaxxitanno; ninke kayinni Maganinke Kaaliiqi wolqa addaxxineemmo.

FULO 13:17

Gibitsete moote Israeele hadhara aguri yannara, Filisxeemete gobba widoonni hige ha'ra mulimma roorte heedheennanni, hakkaanni higge hadhanno gede diassinonsa. Hakkaanni higge hadhannokki gede hoolinonsahu, albaanni noo diininni xaadduro waajjite galagalte Gibitse higganno yeeti.

FULO 13:18

Kunni daafira, Duumu Baari widoonni halallitte gobba giddoonni qole haa're ha'rinsa; Israeeleno olaho qixxaawinohu gede ikkite Gibitsetenni fultu.

FULO 14:13

Museno mannaho, «Waajjitinoontena heedhinoonniwa uurre; kore techo affinanni Gibitsoota layinkita diaffinannina, Kaaliiqi ki'ne gatisate assannore la'inannina agarre.

ISAYAASI 2:7

Baattonsara birrunna culku wo'mino daafira jiro jirote aana kadhitino; gobbansara faradu wo'mino; faradi gaarensarano kiiro dino.

ERMIYAASI 42:19

Anino qole mannaho, «Ki'ne Yihudu taraare Kaaliiqi, ‹Gibitse hadhinoonte› yee kulino'ne. Anino hadhinannikki gede lede qorophisiiseemmo'ne.

HIZIQEELI 17:15

Ikkollana, haaru Yihudu moote gibbo kayise, faradonna lowo olanto abbitannosi gede soqqamaano Gibitse soqqino. Ikkollana tini hedo wo'mitannosini? Kunni garinni xooqe fula dandaannoni? Gondooro diigannoha ikkiro, horonta gate fule diafanno.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

MIKIYAASI 5:10

Kaaliiqi, «Hattenne yannara, farado'ne baala huneemmo. Faradi gaare'ne duuchanta hiiqqaqqeemmo.

MARRO 28:68

Kaaliiqi galagaltine Gibitsete gobba dihadhinanni yiinoha ikkiro nafa, yowolotenni Gibitse qolanno'ne. Hakkiicho umo'ne diini'nera borojje assitine hirate hasidhinanni. Hidhanno'nehu kayinni dihee'ranno» yii.

UMI SAAMUEELI 8:11

Qoleno, «Mookkanno'ne mootoolla togo assitanno'ne: Ooso'ne haadhe olaho qodhisiissanno. Insa giddonnino gama faradi gaare gantannore, gama faradaasine, woloota qolte faradi gaarensara albaanni doddannore assidhanno.