MARRO 16:3 - Qullaawa Maxaafa

³ Shiishshino liisamenni gannoonni timi ledo ittinoonte. Gibitsetenni muddamunni fultinoonni daafira, heeshsho'ne diri baalunkunni fultinoonni barra qaagginanni gede 7 barra qarru tima itte.

MARRO 16:3 ပူးပေါင်းရင်းမြစ်များ

UMI MOOTOOLLA 22:27

ani oluwiinni keere higammo geeshsha usuru minira eessite moola timanna waa calla uyitannosi gede kulinsa» yii.

FAARSO 102:9

Hanqikkinninna aarikkinni kainohunni, haadhe tugge aguroottoe; buluulu sagale ikkinoe; hindiiddo ageemmori ledo karsantinoe.

FAARSO 111:4

Kaaliiqi shaqqadonna maarannoha ikkinohura, dhaggenniha loososi wo'manka woyite qaanganni gede assino.

FAARSO 127:2

Soodimaroho gutansanna, hashsha keeshshite goxansa daafuroho; Kaaliiqi baxannonsa mannira kayinni, goxxe heedheennanni hasiisannonsare qixxeessannonsa.

FULO 12:11

Ha'rara kaino manni gede qodhitine, koatteno wodhitine, siqqo'ne anga amaxxitine rakkine itte; kuni ane Kaaliiqa'ne ayirrissinanniha Mararrote Ayyaana ikko'ne.

FULO 12:17

Ga're'ne baala Gibitsete baattonni haa're fushshoommo barraatina, konne timu ayyaana ayirrisse; konne ayyaanano ilamate ilama geeshsha ayirrisse.

FULO 12:39

Gibitsetenni fultu yannara, sagale qixxeessi'ratenna shiisheenna tima ga'nate yanna afidhinokki daafira, Gibitsetenni adhite fultinoha liisamino gide tima ga'nitu.

FULO 12:8

Maalano hakko hashshanni du'rinshe qaraaranno darchi ledo shiishinokki timinni intona.

FULO 34:18

«Timu Ayyaana ayirrisse; Gibitsetenni fushshoommo'ne barra ikkino daafira, hajajoommo'ne garinni Abiibi aganira 7 barra shiishinokki tima itte.

ISAYAASI 52:12

Kaaliiqi alba'neenni ha'ranno; Israeelete Magani badheenni dukkisanno'ne. Kunni daafira fultinanni woyite, muddantinikkinni suutunni hadhinanni.

LEEWAAWOOTA 23:6

Hakko aganira tonaa ontikki barra, Kaaliiqihu Timu Ayyaani hanafamanno; 7 barra shiishinokki tima calla ittinanni.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

KIIRO 28:17

Kunni aganinni tonaa ontikki barri ayyaana ikkanno. Mitte lamala wo'ma shiishinokki tima itte.

KIIRO 9:11

Layinki agani eihunni tonaa shoolki barra hawarro ayirrisona; ayirrisanno yannarano ge'rechu goco shiishinokki timinna qaraaranno darchi ledo itona.

LUQAASI 22:19

Yesuusi timano haa're, galatu huuccatto asse, hiiqqaqqe, «Hii'e, kuni ki'nera aamaminohu maala'yaati; konne ane qaaggora assidhe!» yiinsa.

UMI QORONTOOSI 5:8

Kunni daafira, cubbunnihanna bunshenniha ikkikkinni, halaalunnihanna taashshanniha, haaro shiishinokki timiha Ayyaananke ayirrinso.

MARRO 16:2

Kaaliiqi magansi'nannisi gede doodhanno darga ge'reewonna me"e woy saada'ne giddonni mittoricho Magani'ne Kaaliiqira Mararrote Ayyaani kakkalo assitine shiqishshe.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

UMI TESELONQE 1:6

Lowo qarri iilli'nerono, Qullaawu Ayyaaninni afidhinoonni hagiirrinni sokka macciishshitine, ninkenna Mootichu Yesuusi faale hadhinoonni.

IYYAASU 4:7

‹Magani'ne Kaaliiqihu Gondooru Taabooti, Waa fuli yannara Yordaanoosi lolaha agurino. Kunnira, tini kinna konne darga assinoonnire baala hegere geeshsha Israeelete mannira qulli assitanno qaaggooti› yitine kultinanninsa» yii.