MARRO 16:14 - Qullaawa Maxaafa

¹⁴ Ayyaani'nera ki'ne, ooso'ne, soqqamaano'ne, katamma'nera heedhanno Leewaawooti, manni gobba manni, annunna ama noonsakki oosonna gunnootu ledo hagiidhe.

MARRO 16:14 ပူးပေါင်းရင်းမြစ်များ

ASTEERI 9:22

Tini barruwa Ayihude diininsa anganni gatte fooliishsho afidhinote. Dadillunninna yaaddotenni fulte hagiirrenna harshammo afidhinohu kunni aganiraati. Tenne barruwanni ayyaana assidhe hagiidhitanninna ji'litanni, mimmitohono sagale afanshitanninna buxaneteno afansha uyitanni ayirrissanno gede kulinsa.

ROSIISAANCHO 9:7

Maganu loosokki baxinohena hadhe, yaadittokkinni sagalekki ittanninna woyinekki agganni hagiidhi.

ISAYAASI 30:29

Ki'ne Maganu manni kayinni, qullaawa ayyaana ayirrisidhinanni hashshi gede faarsitinanni. Israeelete golo ikkino Kaaliiqi Minira ha'ranno yannara, suusulle ufuufanni faarsanno manni gede ikkitine hagiidhitinanni.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

IYUEELI 1:16

Gidinke ba"anna dadillunni la'neemmo. Qullaawaho Maganinke Kaaliiqi Minira, jilunna hagiirru dino.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:15

Kaaliiqi doodhanno darga Magani'ne Kaaliiqira konne ayyaana 7 barra ayirrisse. Magani'ne Kaaliiqi lowo jajja aanno'nenna duushshanno'ne daafira, hagiirri'ne wo'ma ikkanno.

MARRO 26:11

Ki'nenna maate'ne, Leewaawootunna giddo'ne hee'rannohu manni gobba manni Magani'ne Kaaliiqi uyino'nehu danchu coyi baalunkunni ji'litinanni hagiidhe.

UMI TESELONQE 5:16

Wo'manka woyite hagiidhe!