MARRO 16:11 - Qullaawa Maxaafa

¹¹ Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:11 ပူးပေါင်းရင်းမြစ်များ

FULO 20:24

Anera kakkalote darga bushshunni seekke"e; shilqonnitanna mittimmate kakkalo boottannitanna ge'reewunnita hakkiicho kakkalle"e; su'mi'ya qaagamanno gede hedoommo darga baalaho daye maassi'reemmo'ne.

ISAYAASI 64:5

Hisatte atera hajajantannorenna, ati hedoottore assitannore baala kaa'latto. Ninke cubbi kayinni hanqisinohe; kunnira, ganteemmohu ati kaa'littonkerootilla.

IYUEELI 1:16

Gidinke ba"anna dadillunni la'neemmo. Qullaawaho Maganinke Kaaliiqi Minira, jilunna hagiirru dino.

IMBAAQOOMI 3:18

tenne baalate giddoonni, anera Kaaliiqinni tashshi yaannoe; gatisaanchi'ya Maganunni hagiidheemmo.

ROOMU SOKKA 5:11

Konne calla ikkikkinni, Maganu ledo araarsinonkehu Mootichinke Yesuusi Kiristoosi widoonni hinge Maganunni hagiidhineemmo.

LAYINKI QORONTOOSI 1:24

Kaajjitine uurritinoonnihu ammanatenni ikkinohura, hagiidhitinanni gede ledo'ne loonseemmo ikkinnina ammana'ne aana duha dilendeemmo'ne.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:18

Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:5

Kayinnilla, Magani'ne Kaaliiqi su'misi hee'rannowa ikkanno gede ga're'ne mereero doodhannowa martine magansidhesi.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 16:10

Hakkunni gedensaanni, Magani'ne Kaaliiqi maassi'rino'ne deerrinni, baxxine uyitinanni afansha shiqishshinannihunni Gide Gamba Assate Ayyaaninni Magano'ne Kaaliiqa ayirrisse.

MARRO 16:14

Ayyaani'nera ki'ne, ooso'ne, soqqamaano'ne, katamma'nera heedhanno Leewaawooti, manni gobba manni, annunna ama noonsakki oosonna gunnootu ledo hagiidhe.

MARRO 26:11

Ki'nenna maate'ne, Leewaawootunna giddo'ne hee'rannohu manni gobba manni Magani'ne Kaaliiqi uyino'nehu danchu coyi baalunkunni ji'litinanni hagiidhe.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!