MARRO 15:6 - Qullaawa Maxaafa

⁶ Magani'ne Kaaliiqi uyino'ne hexxo garinni maassi'ranno'ne daafira, ki'ne lowo gosara liqiissitinannita ikkinnina ayewiinnino diliqiidhinanni. Lowo gosara aliidire ikkitinanni. Insa ki'nera aliidire di"ikkitanno.

MARRO 15:6 ပူးပေါင်းရင်းမြစ်များ

UMI MOOTOOLLA 4:21

Selemooni Efiraaxisi Wayinni kayise, Filisxeemete gobba geeshsha, hakkiinnino sae Gibitsete danni geeshsha noo gobba baala gashshino. Tenne gobba baalantera hee'ranno manni Selemooni anga gale isi lubbotenni noo geeshsha isira gabbaranni hee'rino.

UMI MOOTOOLLA 4:24

Selemooni Efiraaxisi Wayira galchimaanni noo gobba baala Tifisahi Kataminni kayise Gaaza Katami geeshsha gashshino. Tini gobbano Efiraaxisi Wayira galchimaanni noo gashshoote baala amaddanno. Ollaa ikkitino gobba baalate ledo keere hee'rino.

UMI DUDUWO 17:27

Kaaliiqa Mooticha'ya, maate'ya geedonnita assite maassi'ratto gede huucci'reemmohe. Kune maate'ya maassi'rootto. Maassokkino hegere geeshsha insa ledo heedhanno» yii.

LAYINKI DUDUWO 9:26

Selemooni Efiraaxisi Wayinni kayise Filisxeemetenna Gibitsete gobbara noo mootoolla baala gashshino.

IZIRA 4:20

Hakkiinnino sa'e, Yerusaalamete Katamira Efiraaxisi Awuraajja Galchimiha gashshitinore baala, giwire baatisiissannori wolqaataamma mootoolla heedhinoho.

NEHIMIYA 9:27

Kunnira, diinnansa qeelte gadadissannonsa gede sayisse oottonsa. Qarrantanno yannara kaa'lo afi'rate atewa raartino; atino gordoho heedhe macciishshoottonsa. Maarokki batinyinni kainohunni, diinnansawiinni gatissannonsa albisoota soottonsa.

FAARSO 112:5

Calla liqiissannohuranna, baalanka coye taashshannohura, hakko manchira seekkannosi.

FAARSO 37:21

Bushu liqii'rannota ikkinnina diqolanno; keeraanchu kayinni shooshaqanno; wolehono aanno.

FAARSO 37:26

Isi wo'ma woyite callano aanno; liqiissannono; oososino maassantanno.

LAWISHSHA 22:7

Dureessu buxane gashshanno; liqii'rannohu liqiissannohura borojjicho ikkanno.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

MARRO 15:5

Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 28:44

Insa liqiissitanno'ne ikkinnina ki'ne diliqiissitinanninsa. Insa sooreeyye ikkitanno. Ki'ne kayinni maaheeyye ikkitinanni.