MARRO 15:5 - Qullaawa Maxaafa

⁵ Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 15:5 ပူးပေါင်းရင်းမြစ်များ

FAARSO 19:11

Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

MARRO 15:4

«Magani'ne Kaaliiqi ragidhinara aanno'ne baatto aana maassi'ranno'ne daafira, mereero'ne buxichu dihee'ranno.

MARRO 15:6

Magani'ne Kaaliiqi uyino'ne hexxo garinni maassi'ranno'ne daafira, ki'ne lowo gosara liqiissitinannita ikkinnina ayewiinnino diliqiidhinanni. Lowo gosara aliidire ikkitinanni. Insa ki'nera aliidire di"ikkitanno.

MARRO 26:14

Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

FILIPHISIYUSI SOKKA 1:27

Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo.

IYYAASU 1:7

Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.