MARRO 15:19 - Qullaawa Maxaafa

¹⁹ «Lalu giddonni umo qalamino booto, ge'reewunna meu giddonni umo qalamino goco baala Magani'ne Kaaliiqira shiqishshe. Umo qalamino booto hawuudhitinoonte. Umo qalamino ge'rechi ordano haxxinoonte.

MARRO 15:19 ပူးပေါင်းရင်းမြစ်များ

FULO 13:12

bayira beetto Kaaliiqira uyitinanni; saada'neti umi qallono Kaaliiqita ikkitanno.

FULO 13:2

«Israeelete manni giddonni umo ilaminohunna saadate giddonnino umo qalaminohu baalu aneha ikkanno gede badie» yiisi.

FULO 22:29

Gidunniha, woyinennihanna ejersu zayite laalcho anera aa habbinoonte. Ooso'ne giddonnino bayira beetto anera uuyye"e.

FULO 22:30

Lali'nenna ge'reewi'ne giddonnino umo qalaminoha anera uyitinannie. Qalaminohu 7 barra amasi ledo keeshsheenna settikki barra abbitine uyitinannie.

FULO 34:19

Umo ilamino beettinna umo qalantino saada baala anete.

LEEWAAWOOTA 27:26

« ‹Saadannihu umihu albanni aneha ikkinohura, banxe uyinanni afansha asse aate didandiinanni; umo qalaminohu siitono ikko wilii'lichu albanni aneho.

KIIRO 18:15

Anera uyinoonnihu umo ilaminohu woy umo qalaminohu baalu ateho. Umo ilaminoha labbaa beetto woxxannohuwiinni woxe haadhe. Saadannihu umo qalaminohu maala intannikkiha ikkiro dargaho woxe riqimbona.

KIIRO 18:17

Umi qallo lalunnita, ge'reewunnitanna meunnita kayinni diwondanni; tini saada co'onta aneta ikkitinohura kakkalote shiqinshona. Mundeensano kakkalote uduunnichi aana dunnona. Coomansano anera su'naannoe gede assine giirate shilqinshona.

KIIRO 3:13

Gibitsenniha umo ilaminohanna umo qalaminoha baala shuummo waro, Israeelete gobbara umo ilamannohanna umo qalamannoha baala umi'yara baxxoommo. Xa kayinni hakkuri darga Leewaawoota doodhoommo; insano anere ikkito. Ani Kaaliiqaati» yiisi.

ROOMU SOKKA 8:29

Beettisi lowo roduuwi mereero umiha ikkanno gede Maganu balaxe egenninore alba asse doore, Beettisi dana afidhanno gede hirqino.

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:17

Gidi'neha, haaro woyinete xajje'nehanna zayite'neha tonnunni mitto, woy lali'neha, ge'reewi'nehanna mei'neha umiha, woy xa'nitinoonniha, woy baxxine uyitinanni afanshanna fushsho, katamma'ne giddo ita dihasiissanno'ne.

MARRO 14:23

Aye yannarano Magano'ne Kaaliiqa ayirrisa rossinanni gede gidunniha, haaro woyinete xajjehanna zayite'neha tonnunni mitte anga, lalunniha, ge'reewunnihanna meunniha umo qalaminoha su'misi woshshamanno gede doodhanno dargira abbitine, Magani'ne Kaaliiqi albaanni ittenna agge.

MARRO 15:18

«Borojjimmatenni fushsha ayirrino coye lawoonke'ne. Mittu loosaasinchira baantanniha darate calla baanteennasi 6 diro wo'ma soqqamino'nehura, assitinanni coyi baalaho Magani'ne Kaaliiqi maassi'ranno'ne.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:14

Ayyaani'nera ki'ne, ooso'ne, soqqamaano'ne, katamma'nera heedhanno Leewaawooti, manni gobba manni, annunna ama noonsakki oosonna gunnootu ledo hagiidhe.

IBIRAAWOOTA 12:23

Su'mansa gordoho borreessinoonniriwa bayirraaddu songo ammanaanonnitewa, wo'munkura yoo yaanno Maganiwanna guuta assinoonni keeraanowa gamba yitinoonni.