MARRO 15:10 - Qullaawa Maxaafa

¹⁰ Uyitinannire shooshanqetenni uuyyesi ikkinnina honqooqoo'mitinoonte. Kunninni kainohunni Magani'ne Kaaliiqi loosidhinoonnihanna anga'ne amaddinoha baala maassi'ranno'ne.

MARRO 15:10 ပူးပေါင်းရင်းမြစ်များ

LAWISHSHA 22:9

Sagalesi buxichoho beehanno daafira, shooshaqu manchi maassamanno.

ROSIISAANCHO 11:1

Sagalekki wayi aana tugi; lowo barri gedensaanni, galagalchite afi'rattona.

ISAYAASI 32:8

Ayirradu manchi ayirrado coye assanno; halaalu coyira gaaramanno.

ISAYAASI 58:10

hudidhinorira sagale itissiniro, qarrantinore kaa'litiniro, doyisse noo'ne tunsichi xawaabbaho soorramanno'ne. Hashshino'nehu barri gede ikke xawanno'ne.

MAATEWOOSI 25:40

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnihu baalu anera assitinoonniho yaate› yee qolinsa.

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

ROOMU SOKKA 12:8

Aamamisi manna jawaachisha ikkiro, jawaachishona; aa ikkituro, shooshanqetenni oona. Manna gashsha ikkituro, diinaggaawe gashshona. Aamamisi manna marara ikkituro, mararrosi hagiirrunni leellisho.

MARRO 14:19

«Qoola afi'rino duuxi baalu ki'nera battete. Hakkoreno ittinoonte.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 15:18

«Borojjimmatenni fushsha ayirrino coye lawoonke'ne. Mittu loosaasinchira baantanniha darate calla baanteennasi 6 diro wo'ma soqqamino'nehura, assitinanni coyi baalaho Magani'ne Kaaliiqi maassi'ranno'ne.

MARRO 15:4

«Magani'ne Kaaliiqi ragidhinara aanno'ne baatto aana maassi'ranno'ne daafira, mereero'ne buxichu dihee'ranno.

MARRO 23:20

Allaggichoho qallote liqiissitinara dandiitinanni. Martine ragidhinanni baattora anga'nenni amaddinanniha baala Magani'ne Kaaliiqi maassi'ranno'ne gede fiixi'nera Israeelete qallote liqiissitinoonte.

MARRO 24:19

«Loosidhinoonni gide gamba assidhinanni yannara, qarmete habbinoonni gidi hee'riro, adhitinara galagaltine higginoonte. Magani'ne Kaaliiqi loosidhinoonniha baalanka maassi'ranno'ne gede, qarmete habbinoonni gide manni gobba manni, anna afidhinokki oosonna gunnootu adhona agurre.

MARRO 28:8

«Kaaliiqi qaldi'neranna assidhinoonniri baalu aana atootesi soyanno'ne. Magani'ne Kaaliiqi aanno'ne baatto aana maassi'ranno'ne.

IBIRAAWOOTA 13:16

Dancha coye assanna afidhinoonnire woleho beeha habbinoonte. Magano hagiirsiissannoti hattoo kakkalooti.

UMI PHEEXIROOSI 4:11

Rosiisannohu, Maganu qaali garinni rosiiso. Soqqamannohuno Maganu aannosi wolqa garinni soqqamo. Kunni garinni, Maganu Yesuusi Kiristoosi widoonni baalunku coyinni galatamanno; ayirrinyunna roorre hegere hegerera isira ikkito. Hamii'ni!