MARRO 14:23 - Qullaawa Maxaafa

²³ Aye yannarano Magano'ne Kaaliiqa ayirrisa rossinanni gede gidunniha, haaro woyinete xajjehanna zayite'neha tonnunni mitte anga, lalunniha, ge'reewunnihanna meunniha umo qalaminoha su'misi woshshamanno gede doodhanno dargira abbitine, Magani'ne Kaaliiqi albaanni ittenna agge.

MARRO 14:23 ပူးပေါင်းရင်းမြစ်များ

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 2:11

Kaaliiqira waajjatenni soqqamme; isono huxidhine waajje.

ISAYAASI 8:13

Ani Olantote Mootichi Kaaliiqi qullaawa ikkoommota hawoonke; waajjinannihu ane callaati.

ERMIYAASI 32:38

Insano manna'ya ikkitanno; anino Maganonsa ikkeemmo.

KIIRO 15:20

Isono umi gidi bullee aaninni kayissine tima gantine abbe. Konne ga'nitinoonni gidi aaninni haadhine abbitinannihu garinni shiqishshe.

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:14

Shilqote kakkalo'ne, gosa'ne mereero mittowa, Kaaliiqi doodhannowa calla shiqishshe. Hakkiicho ani hajajeemmo'nere baala wonshitinanni.

MARRO 4:10

Siina Maganinke Kaaliiqi albaanni uurritini barra Kaaliiqi, «Baattote aana heedhanno yanna baalate ane ayirrisanna hajajama rossanno gede, oosonsarano rosiissanno gede, manna albi'yara gamba assi» yiieta qaagge.