MARRO 14:2 - Qullaawa Maxaafa

² Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 14:2 ပူးပေါင်းရင်းမြစ်များ

IZIRA 9:2

Israeelete manni, tenne gosa seenne adhino; Maganunnihu qullaawu manni dagate ledo karsiisamino. Tenne bunshera umo ikkitinori sooreeyyenkeetinna gashshaanonkeeti» yitue.

ISAYAASI 41:9

Gobbate qaccenni haa're abboommohe; shoolente maddenni woshshoommohe; ‹Soqqamaancho'yaati› yee dooroommohe ikkinnina, tuge diaguroommohe.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

ERMIYAASI 2:3

Israeele ati anera umi laalchooti; ati anera baxxootta qeechaati. Kunni daafira ate gawajjate hasi'rannohu baalu aana, qarranna mitiimma dirrisoommo. Konne coye coyi'roommohu ani Kaaliiqaati» yii.

HIZIQEELI 21:2

«Koo manchi beetto, Yerusaalametenna mannu magansi'rannowa himana coyi'ri.

DAANIEELI 12:7

Sokkaasinchuno lamenta angasi gordo qole gotti asse Hegerera Hee'ranno Magani su'minni xaaranni, «Sase dironna darate gudanno. Maganu manni aana daanno qarri uurra geeshsha kuni coyi baalu wo'manno» yii.

DAANIEELI 8:24

Kuni moote lowo geeshsha jawaata ikkanno. Ikkollana umisi wolqanni di"ikkino; lowo geeshsha busha coye assanno; assannori baalu qinaannosi. Jajjabbunna Maganu manni aana bao abbanno.

LEEWAAWOOTA 11:45

Magano'ne ikkammora Gibitsetenni fushshe abboommo'nehu ani Kaaliiqaati. Kunnira, ani qullaawa ikkoommonte gede, ki'neno qullaawoota ikke.

LEEWAAWOOTA 19:2

«Israeelete manni baalunkura, ‹Ani Kaaliiqi Magani'ne Qullaawahona, ki'neno Qullaawoota ikke.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

LEEWAAWOOTA 20:26

Ki'ne anera baxxitine qullaawoota ikkitinannie. Ani Kaaliiqi qullaawahona, anere ikkitinanni gede dagate mereerinni badoommo'ne.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

MARRO 14:21

«Ki'ne, Magani'ne Kaaliiqira qullaawa mannaatina reyinore baala ittinoonte. Katamma'ne giddo hee'rannohura manni gobba mannira itona uuyyensa; woy wole gobba mannira hirre. Meu woy ge'reewu wilii'licho amate adonni gaffinoonte.

MARRO 28:9

«Magani'ne Kaaliiqi hajajo agadhitinironna doogosi hadhiniro, uyino'ne hexxo garinni qullaawa mannasi asse uurrisanno'ne.

MARRO 33:3

Halaaleho, manna baxattohu ateeti; qullaawootu baalunku angakki no. Baalunku lekkakki hunda kumbuultanno; atewiinni hajajo adhitanno.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 7:6

Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

MARRO 7:7

«Kaaliiqi ki'ne baxino'nehunna doodhino'nehu wole gosanni kiiro roortineenna di"ikkino. Kiiro'ne gosa baalatewiinni lowo geeshsha ajjinote.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.