MARRO 13:5 - Qullaawa Maxaafa

⁵ Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 13:5 ပူးပေါင်းရင်းမြစ်များ

UMI MOOTOOLLA 13:19

Kunnira isi ledo ha're minesi sagale ite, waano agi.

UMI MOOTOOLLA 18:40

Eeliyaasino, «Ba"aali himanaano amadde! Mittuno gatoonke» yee hajaji. Mannuno himanaano gudise amadi. Eeliyaasino baalanka haa're masse Kiishooni Wayi eela gorrisiise gudi.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

ERMIYAASI 14:15

Ani soyummokkinni, ‹Gobbankera oluno hudeno diheedhanno› yitanno himanaano, ani Kaaliiqi olunninna hudetenni gooffanno gede asseemmo.

ERMIYAASI 29:32

Kunnira, ani Kaaliiqi Shemiyanna sirchosi qorichisheemmo. Manni'yara asseemmoha dancha coye afate sirchisi giddonni gatannohu dihee'ranno› yite layinki sokka soyi. Konne coye coyi'roommohu ani Kaaliiqaati» yii.

ERMIYAASI 50:6

«Manni'ya ballehino ge'reewi gede ikkino; allaalaasinensa doogote aaninni soorriteenna, ilaallatenna gaarrate aana raataabbanni, fooliishshidhannowa hooggino.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

ZAKKAARIYAASI 13:3

Kaphu himana coyi'rinohura annisinna amasi, ‹Kaaliiqi su'minni kaphu himana coyi'rootto daafira reyatto› yite kultannosi. Hakkiinnino sae himana coyi'rate wo'naaliro, annisinna amasi urdetenni qasse shitannosi.

SOQQAMAASINETE LOOSO 13:8

Ikkollana Giriikete afiinni, «Elimaasi» yini kiilaanchi kuni, gobbate gashshaanchi ammanannokki gede hasi're, Barnabaasinna Saawuli giwi.

UMI QORONTOOSI 5:13

Gobbaanni noori aana yoo yaannohu Maganoho. Kunnira, Qullaawa borro yitannonte gede, busha mereeri'nenni hunne.

MARRO 13:10

Borojjimmatenni Gibitsete gobbanni fushshino'nehu Magani'ne Kaaliiqiwiinni huna'nera hasi'rinona, reya geeshsha kinnatenni ganne.

MARRO 13:15

hakko katamira hee'ranno mannanna saada baala shitine gudde; katamansano co'o assitine hunne.

MARRO 13:9

Huluullamittokkinni hakkonne mancho shii. Iso shaate umi kincho ati oli. Hakkunni gedensaanni, mannu baalunku kinnatenni gane shoona.

MARRO 17:5

konne busha coye assinoha labbaaha ikko meyata katamu waalchira gobbaanni massitine, reyita geeshsha kinnatenni awwaalle.

MARRO 17:7

Shinanni woyite kinnatenni balaxxe naqaashshe gantona; hakkiinni aanche wolu manni awwaalona. Kunni garinni busha mereeri'nenni hunne.

MARRO 18:20

Ikkollana, ani hajajoommosikkiha seyate su'mi'yanni coyi'ranno himanaanchi woy wole maganna su'minni coyi'rannohu hee'riro reyo› yiino.

MARRO 19:19

rodiisira hedinore umisira qolle. Kunni garinni busha mereeri'nenni huntinanni.

MARRO 22:21

annise mine heedhenni baashaabbe Israeelete giddo shollaataamo coye assitinona, annise mini waalchiwa massineenna, hakko katami manni ise reyita geeshsha kinnatenni awwaalona. Kunni garinni busha mereeri'nenni hunne.

MARRO 22:24

seemo katamu giddo heedhenni iille"e yite raara hoogginohura, manchuno wolu huucci'rinota uggino daafira, lamenka katamu waalchira gobbaanni massitine reyita geeshsha kinnatenni awwaalle. Busha mereeri'nenni huna hasiissanno'ne.

MARRO 24:7

«Mittu manchi Israeelootu fiixisi giddonni mitto mancho fuge adhe ha're borojjicho assi'riro woy woleho hiriro, hakku manchi reyo. Kunni garinni busha mereeri'nenni hunne.

MARRO 26:14

Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.

MARRO 4:19

Gordu iimira higgine arrishsho, agananna beeddahe baala la'inanni yannara, insara kumbuultinannikki gedenna jifantinannikki gede, Magani'ne Kaaliiqi gordu woroonni nootera wole gosara qeechansa asse uyinore magansidhinannikki gede qorophe.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

MARRO 7:4

Kunino, ooso'ne ane hoode hadhannota hoolte wole maganna magansidhanno gede assitannohuranna hakkunninni kainohunni Kaaliiqi hanqi aana'ne buwe, rahe hunanno'nekki gedeeti.

IYYAASU 23:8

Hakkawarinni xaa geeshsha assitinoonninte gede Magani'ne Kaaliiqira ammanantine heedhe.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

EJJEETTO 20:13

Xa kayinni insa shine konne busha coye Israeelete giddonni hunneemmo gede, hakkonne Gibiaha garimale manna fushshitine uuyyenke» yitu. Biiniyaami ga're kayinni roduuwinsa Israeele yitinota dimacciishshitino.

UMI SAAMUEELI 12:14

Kaaliiqa waajjitinironna magansidhiniro, yiinota macciishshitinironna hajajosi agadhitiniro, ki'nenna moote'ne Magani'ne Kaaliiqi hoode hadhiniro baalunku coyi seyanno'ne.