MARRO 13:4 - Qullaawa Maxaafa

⁴ Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 13:4 ပူးပေါင်းရင်းမြစ်များ

LAYINKI MOOTOOLLA 23:3

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate, hajajosi, wogasinna wodhosi agadhatenni maxaafu giddo borreessinoonnire wonshate gondooro ei. Mannu baalunkuno gondooro agadhate sumuu yii.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

ROOMU SOKKA 6:13

Mannimma'ne biso bunshete uduunnicho assitine cubbu angara qoltinoonte; hatteentenni reyotenni ka'ine lubbotenni heedhinoonnihu gede ikkitine umo'ne Maganoho shiqishshe. Mannimma'ne baala keeraanchimmate uduunne assitine Maganoho uuyye.

UMI QORONTOOSI 6:17

Mootichu ledo mittimma afi'rinohu kayinni Ayyaanunni isi ledo mitto ikkanno.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

LAYINKI YOHAANNISI 1:6

Halaalaancho baxilleeti yaa Maganu hajajo wonshate; tini hajajono alba macciishshitinoonninte gede, «Baxillunni heedhe» yitannote.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.