MARRO 13:3 - Qullaawa Maxaafa

³ Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

MARRO 13:3 ပူးပေါင်းရင်းမြစ်များ

UMI MOOTOOLLA 13:19

Kunnira isi ledo ha're minesi sagale ite, waano agi.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 66:10

Magano! Giiratenni daashshinanni birri gede, ninkeno fonqolte laoottonke.

FAARSO 81:7

Qarru giddo heedhinoonni yannara woshshitinoonnie; anino gatisoommo'ne; go'le noommowa hombobolattete giddo hee're macciishshoommo'ne. Meriiba yinanni bu'a mule fonqoloommo'ne.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

ISAYAASI 8:20

Kunni mannira Kaaliiqi Seera kulle! Insano Kaaliiqi qaali garinni coyi'ra hoogguro illetenni xawaabba diaffanno.

MAATEWOOSI 24:24

Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

UMI QORONTOOSI 11:19

Halaalaano ayeootiro bade afate, mereero'ne babbadooshshu hee'ra digattannote.

LAYINKI QORONTOOSI 8:8

Togo yeemmo woyite hajajanni noommo'neha di"ikkino. Wolu manni diinaggaawa widoonni qole baxilli'ne halaalaancho ikkino gedeenni afammora yeeti.

EFESOONI SOKKA 4:14

Kunni ka'a mannu awaawurshinninna xagarrotenni, so'rote bubbenna dambalu ka'anna kawa shafanna gatantarranni qaaqquullu gedeere ikkinoonke.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

MARRO 8:16

Gedensaannino seyanno'neta affinanni gede assa'neranna jife la"a'nera, annuwa'ne affe egentinokki sagale menna halallitte baattora itisino'ne.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

LAYINKI TESELONQE 2:11

Kunnira, kapho ammantanno gede Maganu so'rote wolqa soyannonsa.

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.

UMI YOHAANNISI 4:1

Jaalla'ya! Ayyaana baala amma'nitinoonte. Maganu Ayyaanaatironna wolehoro buuxxe. Haammata kaphaasine himanaano ka'e no.

UMI YOHAANNISI 4:4

Ooso! Ki'ne Maganunnireeti; insano qeeltinoonni. Ki'ne ledo noohu, tenne gobbaha rooreho.

YOHAANNIS AJUUJA 13:14

Umi moyichira albaanni leellishara fajjinoonnisi malaatinni kainohunni, baattote aana hee'ranno manna so'risiisanno. Bagadu madiisseenna gatino moyichi dani misile seekkitanno gede baattote aana noo manna hajajanno.

EJJEETTO 2:22

Hoola giwoommohu, annuwansa gede hajajantannoeronna hooggannoro afate, tenne gosanni fonqolammonsara yeeti» yii.

UMI SAAMUEELI 26:19

Xaano moote mooticha'ya, ani soqqamaanchikki yeemmota macciishshie. Ane aana ate Kaaliiqi wore agurinoheha ikkiro, hoolannoe gede kakkalo shiqishi'reemmo. Konne coye kayinni mannu assanni nooro, Kaaliiqi doorino gobbanni fule ha're wole maganna magansi'nanni gobbara hee'reemmo gede assitinoe daafira, hakkuri Kaaliiqi albaanni rumantinore ikkito.