MARRO 13:17 - Qullaawa Maxaafa

¹⁷ Kaaliiqi kaajjadu hanqisinni higanno gede, batte ikkinorichi giddonni mittore nafa adhitinoonte. Isino maarosi leellishanno'ne; mararanno'ne. Annuwa'nera uyino hexxo garinni kiiro'ne batisanno gede,

MARRO 13:17 ပူးပေါင်းရင်းမြစ်များ

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 26:4

Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 85:3

Aarakkino badhera qolootto; hanqokki uurrisootto.

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

FULO 32:12

Gibitsootu, ‹Ilaallate mereero shee gudansaranna baattote aaninni hunara fushshinonsa!› yitanno gede mayira assattonke? Ballo mannakki hanqite guddootina aguri.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

HIZIQEELI 37:26

Keere heedhanno gede hegere gondooro e"eemmonsa; insano galagalche baattonsara xinte kiironsa batiseemmo. Qullaawu Mini'ya mereeronsa hegerera hee'ranno gede asseemmo.

HOOSEI 11:9

Kunnira, hanqi'ya qoomama diabbeemmo; layinkimeeshsho Israeele dihuneemmo. Hatto asseemmokkihu, ani Maganoho ikkinnina manna ikkoommokki daafiraati. Qullaawu ani ki'ne giddo hee'reemmo; tenne ki'newa hanqi'yanni didayemmo.

KIIRO 25:4

Kaaliiqi Musera, «Israeelete aana buwinohu hanqi'ya qiidanno gede roorrootansa barru taalootira mannu baalu afannowa Qullaawu Dukkanira albaanni shii» yiisi.

UMI QORONTOOSI 16:22

Mooticha baxannokkihu hee'riro, rumaminoha ikko. Maaranaata - Mootichanke rakke amo!

MARRO 13:18

techo ani eemmo'neta hajajosi baalanta agadhitinanninna isi hasi'rannore baala wonshitinanni Magani'ne Kaaliiqi albaanni dancha coye asse.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.

MARRO 30:5

Annuwa'ne heedhino gobbanni jiro ragidhinanni gede galagalche abbanno'ne. Annuwa'nenni roore duroonsanno'ne; batisanno'ne.

MARRO 7:13

Kaaliiqi baxanno'ne; maassi'ranno'ne; batisanno'ne. Annuwa'nera aara xaarino baatto godowi'ne guma, baatto'ne laalcho, gide'ne, haaro woyinete xajje'nenna zayite'ne, lalo'nenna siitta'ne, ge'reewo'ne, me"e'nenna wilii'le'ne maassi'ranno.

MARRO 7:26

Giwisanno coye mini'nera woy umi'nera abbidhinoonte. Hatto assitiniro, ki'neno hakkuri gede baote gaamantinannina, horonta makkidhine gibbe. Kuri Maganu giwinnoreeti.

IYYAASU 22:20

Zaara beetti Akaani batte ikkinore adhe cubbo loosinota qaagge. Hakkunninni kainohunni Kaaliiqi wo'mu Israeelete mannira hanqino; cubbisi daafira reyinohu Akaani calla di"ikkino» yitu.

IYYAASU 6:18

Ki'ne kayinni, ba"a hasiissannohu giddonni mittoreno adhitinoonte. Hatto assitiniro, Israeelete qachira qarranna bao abbitinanni.

IYYAASU 6:24

Hakkunni gedensaanni, katama co'o assite giirte guddu. Massite Kaaliiqi uduunni hee'ranno mine wortinoha culkunni, birrunni, camotenninna siwiilunni seekkinoonni uduunne agurranna, katamaho noori baalunku goofi.

IYYAASU 6:26

Hatte yannara Iyyaasu, «Iyyaarkote katama galagalche minannohu hee'riro, Kaaliiqi rumo isi aana ikkitanno. Iso minate gaata darannohu, bayira beettosi hooganno. Waalchuwasi seekkannohuno, maa'nu beettisira reyo abbi'ranno» yee qorophisiisi.

IYYAASU 7:1

Israeelootu kayinni batte ikkinore huntinokki daafira, sao assitino. Hakkuno Yihudu ga'renni Akaani yinanni manchi assino coyeti. Akaani Kariimiho; Kariimi Zabiidiho; Zabiidi Zaaraho. Akaani hoolloonniricho adhino daafira, Kaaliiqi hanqi Israeelete aana buwi.

IYYAASU 8:28

Iyyaasu Gayi katama giire mulla darga asse aguri; xaa geeshshano hakko garinni no.