MARRO 13:1 - Qullaawa Maxaafa

¹ «Himanaanchu woy haaqii'raanchu mereeri'nenni kae, malaate woy dhagge asseemmo yii'nero,

MARRO 13:1 ပူးပေါင်းရင်းမြစ်များ

UMI MOOTOOLLA 13:18

Geerchu qole, «Anino atente gede himanaanchoho. Kaaliiqi sokkaasinchi mini'yara masse sagalenna waa eemmohe gede kulinoe» yiisi. Yihudunni dayino himanaanchi geerchu doginosita diafino.

UMI MOOTOOLLA 13:19

Kunnira isi ledo ha're minesi sagale ite, waano agi.

LAWISHSHA 30:6

Rufannohekki gedenna kaphaanchoho yaannohekki gede, isi yiinokkire yitooti.

ISAYAASI 9:15

Umoho yinanniri geerrahonna roorrootansaati; farroho yinannirino kapho rosiissanno himanaanooti.

ERMIYAASI 23:11

Kaaliiqi, «Himanaanonna qeesootu ane diayirrissanno; Qullaawu Mini'ya giddo nafa bunshe loossanno.

ERMIYAASI 23:32

Halaalinta ani kaphu haaqee kultanno himanaano aana noommo; tenne haaqee kulte beebba naaxxitanni manna'ya halaaluwiinni wirri assitanno. Ani disoommonsa; hadhe"eno diyoommonsa. Mannahono kaa'litinori dino. Konne coye coyi'roommohu ani Kaaliiqaati» yii.

ERMIYAASI 27:9

Kunnira, Baabilooni mootera anga uyitinannikki gede hooltanno'neriha himanaano'ne, kiilaano'ne, haaqii'raano'ne masaalaano'nenna bitaammi'ne coye macciishshitinoonte.

ERMIYAASI 29:24

Israeelete Magani Olantote Mootichi Kaaliiqi, Baabilooni noo manni giddonni mittichu ati Nehelaamichu Shemaiya ledokki noorira, Yerusaalamete noo manni baalaho, qeesichu Maiseya beetti Soffooniyaasiranna wolootu qeesootira borrote sokka,

ERMIYAASI 29:26

«Kaaliiqi himanaanchu Yoodahe darga qeesicha asse worinohe. Qullaawu Minirano roorrichu ateeti. Kunnira, ‹Ani himanaanchoho› yaanni awaawuranno macharaaraamo amadde, goowa cagaagetenni, lekka quwetenni usura ate loosooti.

ERMIYAASI 29:8

Ani Israeelete Magani Olantote Mootichi Kaaliiqi yeemmo'neti tenneeti: Xa'midhinanniti giddo'ne noo himanaanonna masaalaano doggoonke'ne; ki'neno haaqeensa macciishshitinoonte.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

HIZIQEELI 13:23

Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.

ZAKKAARIYAASI 10:2

Mannu magannansanna kiilaanonsa xa'mi'ranno; afidhanno dawaro kayinni kaphohonna haafaho. Mitu mitu kaphu haaqee tirtanno; ikkollana kayinni so'risiisannonsa; mulla haafa sheshifachishshannonsa; kunnira mannu baino ge'reewi gede ikke raataawanno; allaalaanchu hooginonsahura qarramanno.

ZAKKAARIYAASI 13:4

«Hatte yannara, kaphu himanaano himana coyi'ranna ajuujansa kula saalfattanno; halaalu himanaano uddidhannota saadate orda afidhino uddano uddidhe, manna diso'risiissanno.

MAATEWOOSI 24:11

Batinye kaphu himanaano ka'anno; lowo mannano so'risiissanno.

MAATEWOOSI 24:24

Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

MAARQOOSI 13:22

Kaphaano Kiristoosootinna kaphaano himanaano dagganno. Insa dandiitoommero, doorantinore nafa so'risiissara dhaggenna maalale leellishshanno.

LUQAASI 6:26

«Mannu baalu jaji'nero, ki'nera aanne'e. Annuwansano kaphu himanaano hatto jajjino» yiinsa.

MARRO 18:20

Ikkollana, ani hajajoommosikkiha seyate su'mi'yanni coyi'ranno himanaanchi woy wole maganna su'minni coyi'rannohu hee'riro reyo› yiino.

MARRO 4:1

Xaano Israeele, lubbotenni heedhinanni gedenna annuwa'ne Magani Kaaliiqi aanno'ne baatto ragidhinanni gede rosiiseemmo'ne woganna seera wonshe.

MARRO 4:2

Eemmo'neta Magani'ne Kaaliiqi hajajo agadhe. Hajajoommo'nehu aana leddinoonte; xeissinoonte.

LAYINKI TESELONQE 2:9

Bunshete Manchi daa, Sheexaanu wolqanni so'risiisanno dhagge, malaatenna maalale assatenniiti.

LAYINKI PHEEXIROOSI 2:1

Ikkollana albi yannara kaphaano himanaano mannu giddo noonte gede, ki'ne giddono kaphu rosiisaano heedhanno. Insa wodinonsa Mootichira nafa badhe wodhite, rakke huntanno bao uminsa aanira goshooshidhanni, huntanno huluullo luuxisse eessitanno.

UMI YOHAANNISI 4:1

Jaalla'ya! Ayyaana baala amma'nitinoonte. Maganu Ayyaanaatironna wolehoro buuxxe. Haammata kaphaasine himanaano ka'e no.