MARRO 12:6 - Qullaawa Maxaafa

⁶ Hakkiirano shilqote kakkalonna wole kakkalo, tonnunni mitto, fushsho, baxxine uyitinanni afansha, xano, lalunniha, ge'reewunnihanna meunniha umo qalaminoha baala abbe.

MARRO 12:6 ပူးပေါင်းရင်းမြစ်များ

LAYINKI DUDUWO 31:14

Soojjaati waalchi agaraanchira Leewaawichaho Yimina beettira Qorera, banxe Kaaliiqira uyinoonni afansha baala gamba assatenna qeesootahonna Leewaawootaho beehate annimma uyinisi.

LAYINKI DUDUWO 7:12

Kaaliiqi hashsha isira leelle, «Huuccattokki macciishshoommo; konne Mineno kakkalo shiqinshannie gede doodhoommo.

IZIRA 3:2

Iyotsedeqi beetti qeesichu Iyyaasu ledosi qeesooti ledonna Selaatiyaali beetti Zerubaabeelino fiixisi ledo Israeelete Maganiha kakkalote darga galagalchite seekkitu. Hakkunni gedensaanni, Maganu manchi Muse maxaafi seerunnihura borreessinoonni garinni kakkalo shiqishshu.

NEHIMIYA 10:36

«Mitti mittinke bayira beettonke Qullaawu Minira massine qeesichaho uyineenna, seeru garinni Maganoho baxxinoha ikkanno. Lalinkeha, ge'reewinkehanna meinkeha umo qalaminoha baala Maganoho uyineemmo.

NEHIMIYA 10:39

Israeelete manninna Leewaawootu gide, haaro woyinete xajjenna ejersu zayitenni shiqinshoonni fushshaate haadhe, bado iillitinonsa qeesooti, agaraasinenna faarsaano heedhannowa Qullaawu Mini uduunni noowa eessite wortanno. «Maganinke Mini hajano lashshi assine diagurreemmo» yite xaartinoho.

FAARSO 116:17

Galatu kakkalo shiqisheemmohe; ateno magansi'reemmohe.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

LEEWAAWOOTA 1:3

«Shilqote kakkalora shiqishanno fushshaati lalunniha ikkiro, ani adheemmo gede, muso afi'rinokkiricho Xaadu Dukkani nafarira haa're abbona.

MILKIYAASI 3:10

Mine'ya intanniri hala'lanno gede uyitinanniha tonnunni mitto gudissine abbitine gootaraho worre. Hatto assitineenna, ani qole waalcho fane dancha attote batise aa hoogummo'nero tennenni affe"e. Konne coye coyi'roommohu ani Olantote Mootichi Kaaliiqaati.

MILKIYAASI 3:8

Maahoyyena, mannu Magano moorannoni? Ki'ne kayinni ane moortinoonnie. «Ki'ne, ‹Ate hiitto assine moorreemmo?› yitinanni. «Moortinoonniehu, tonnunni mittonna fushshaate ho'latenniiti.

LUQAASI 11:42

«Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne.

LUQAASI 18:12

Ani mitte lamala giddo lame hige ita aga agure huucci'reemmo; afi'reemmori baalu giddonni tonnunni mitte anga eemmo› yaanni huucci'ri.

MARRO 12:17

Gidi'neha, haaro woyinete xajje'nehanna zayite'neha tonnunni mitto, woy lali'neha, ge'reewi'nehanna mei'neha umiha, woy xa'nitinoonniha, woy baxxine uyitinanni afanshanna fushsho, katamma'ne giddo ita dihasiissanno'ne.

MARRO 26:2

mitti mitti'ne Magani'ne Kaaliiqi aanno'ne baattonni gamba assidhinanni laalchi baalunkunni umiha haadhine gimboolaho worre. Hakkunni gedensaanni, Magani'ne Kaaliiqi magansi'nasira doodhanno dargira haadhine abbe.

IYYAASU 22:27

Ninke konne kakkalote darga seekkinoommohu, ninkenna ki'ne mereero malaate ikke hee'ranno gedeeti. Kunino ninkera gedensaanni dagganno ilama Qullaawu Dukkani albaanni Kaaliiqa magansi'neemmo gede shilqonnita, wole kakkalonna gatote ikkitannota mittimmate kakkalo shiqinshanni hee'rankera malaate ikkanno. Kunino ki'ne ilama ninketa, ‹Kaaliiqi ledo mayi xaadino dino'ne› yitannokki gede kaa'lanno.

UMI SAAMUEELI 1:21

Layinki diro Hiliqaananna minisi manni Kaaliiqira diru kakkalo kakkalaranna xano uyi'rara Seelora ha'ri yannara,

UMI SAAMUEELI 1:24

Saamueeli unuuna aguri yannara, qaaqqo ikkiro nafa Seelora Kaaliiqi Minira haadhe hadhinosi. Iso haadhe hadhu woyite, sasu diri middicha, tonne kiilo bulleenna mitte maaqqe wo'mitannota woyinete xajje haadhe massitino.