MARRO 12:31 - Qullaawa Maxaafa

³¹ Insa magansidhanno woyite, Kaaliiqi giwanno coye baala assitanno. Oosonsa nafa magannansara giirte kakkaltanno. Kunni daafira, Magano'ne Kaaliiqa insa magansidhanno garinni horonta magansidhinoonte.

MARRO 12:31 ပူးပေါင်းရင်းမြစ်များ

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI MOOTOOLLA 17:31

Iiwa manni Nibihazinna Tartaaqi yinanni maganna misilla seekki'ri. Sefariwayimi manni qole Adirameleekinna Anameleeki yinannirira magannansara oosonsa shilqote kakkalo asse shiqishi.

LAYINKI MOOTOOLLA 21:2

Israeele gobba amaddu waro, Kaaliiqi fushshe huninota tiyyi'nannita dagate woga amade Kaaliiqi giwanno coye assino.

LAYINKI MOOTOOLLA 3:27

Hakkunni gedensaanni dargasi amade moohannoha bayira beettosi kinchu huxxi aana Moaabi maganira shilqote kakkalo asse shiqishi. Israeelete mannino lowo geeshsha mase katama agure gobbasi higi.

LAYINKI DUDUWO 33:2

Isi, Israeele gobba amaddu waro Kaaliiqi fushshe huninota tiyyi'nannita dagate woga amade Kaaliiqi giwanno coye assino.

LAYINKI DUDUWO 36:14

Qeesootu roorrootinna mannu kaphu maganna magansi'ratenni qooxeessinsara noo gosaha busha ha'ruma hadhanni Kaaliiqira ammanama gibbu. Kaaliiqi keereensinoha Qullaawa Mineno batteessitu.

FAARSO 106:37

Qoleno, oosonsanna seennensa, Kana"aani gobba magannara kakkaltu.

FULO 23:2

Bunshe loosannoha woy halaale dawisanno manni batinye la'e hoodensa hadhooti.

ERMIYAASI 32:35

Labballonna seenne oosonsa Molooki yinanni maganira kakkaltara Hinoomi Lagichira Ba"aalira kakkalote darga seekkitino. Ani togo asse diyoommonsa; togo assite Yihuda cubbu giddora eessitanno yee dihedoommo» yee dawarie.

ERMIYAASI 7:31

Hinoomi Lagichira Tofeeti yinanniha kakkalote darga seekkitine ooso'ne shilqote kakkalo assitine shiqishshinoonni. Kunino ani hajajoommohanna wodani'ya hedino coye di"ikkino.

HIZIQEELI 20:31

Techo nafa hakko gari fushshaate shiqishshinanni; ooso'ne giirate shilqishatenni hakkuri albi maganna kaphunnitenni umo'ne batteessitinanni. Konne baala assitinihu gedensaanni, ki'ne hedo'ya maatiro xa'me afate dagginanni. Ani Mootichu Kaaliiqi heeshshote Magano ikka'yanni xaareemmona, mittoreno xa'mitinaera dieemmo'ne.

HIZIQEELI 23:27

Foorrekkinna alba Gibitsete heedhe rosoottaha saalsiisanno assoote baala aguratta gede asseemmohe. Layinkimeeshsho kaphu magannawa higge dila"atta; Gibitsennireno diqaagatta» yiise.

LEEWAAWOOTA 18:21

Oosokki giddonni mittono Molooki yinanni maganira kakkallara uyitooti; togo assatenni ane Maganikki su'mano shollishshooti. Ani Kaaliiqaati.

LEEWAAWOOTA 18:3

heedhinoonni gobba manni Gibitsennihu assannore assitinoonte; haa're masseemmo'ne gobbahu Kana"aani manni assannoreno assitinoonte; wogansano ha'runsitinoonte.

LEEWAAWOOTA 20:2

«Israeelete mannira, ‹Oososi Molookira kakkalannoha, Israeelichano ikko manni gobba mancho mannu baalu kinnatenni gane shoona.

MIKIYAASI 6:7

Kumunni kiirranni gocca ge'reewunnita, woy tonne kume lowiddaanna daadanno wayi geeshshita ejersu laalonni qixxeessinoonni zayite shiqishummosiro hagiidha ikka? Bayira beetto'ya kakkalummosiha ikkiro cubbo'ya agurae ikka?

MARRO 12:30

albi'nenni ba'uhu gedensaanni, ‹Tini daga magannansa hiitto assite magansidhanno? Ninkeno insa gede assineemmo› yitine woshshaadantinannikki gede qorophe.

MARRO 12:4

«Magano'ne Kaaliiqa insa magannansa magansidhanno garinni magansidhinoonte.

MARRO 20:18

Insa shaa hoogginiro magannansa magansidhanno gara rosiisseenna'ne, Magani'ne Kaaliiqi aana cubbo loossinanni.

MARRO 9:4

«Magani'ne Kaaliiqi insa albi'nenni hoolihu gedensaanni, ‹Tenne baatto ragi'neemmo gede Kaaliiqi kawiichira abbinonkehu, keeraano ikkinoommo daafiraati› yitine wodani'nenni heddinoonte. Kunninni di"ikkino; tenne daga Kaaliiqi albi'nenni shorrannohu bunshensanni kainohunniiti.

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.